اسرار الكركم فى تفتيح البشرة

[حشيمة دار زايد]

الله يعطيج العافيه اختي عبير
فعلا الكركم وايد زين في التبيض والترطيب وتفتيح البقع السوداء
بخبركم تجربتي الصغيره لان بعض الناس تقتنع بالتجارب
انا جسمي يوم يصيبه جرح او اي اصابه او بثور او اي شي على طول يعلم في جسمي وتم اثاره بنيه غامقه
وطبعا هالشي وايد كان يتعبني نفسيا خاصه دايما كنت احلم ببشره صافيه
عندي جروح يعلم الله من وانا بالروضه وحاليا عمري 27 سنه تخيلون كمية العذاب اللي عشت فيها كل هالسنين
بس سمعت عن صابونة الكركم ورخيصه حيل اترومين تشترينها من اي حواج او حتى الجمعيات او الدكاكين الهنديه
وهي صابونه هنديه تغنيكم عن الخلطات للناس اللي ماتحب تخلط بنفسها
وتستمرون عليها
انا حاليا راحت كل الجروح اللي في جسمي 100٪ اختفت تماماماماماماماماماماما

وطبعا اهم شي الاستمراريه انا هالصاوبه استمريت عليها فوق ال4 سنين
واحب اعطيكم معلومه حلوه ... حاولو انكم اتجيبون نوع اخر من الصابون يعني الصابونه اللي تستخدمينه الصبح حاولي في الليل تستخدمين النوع الثاني
عشان جسمج مايتعزد على نوع معين ومايهطيج نتايج مع الاستمراريه
انا عن نفسي استخدم صابوونة الكركم وشندريكا
جني رمست وايد مع احترامي