الصدفية وباقي الامراض الجلدية ...المسببات والعلاج

[جودينا]

المشاركة الأصلية كتبت بواسطة بدويه نت

يالله يافهد ذكرتنى بروحي اول ماجتنى الصدفيه :d
شف اول ماجتنى .. جتنى فى ركبتى
وبحكم ان ابوى واعمامى فيهم صدفيه قشريه منتشره فيهم
خفت انها تنتشر وصرت ابحث وابحث وطحت لى على تنظيف الامعاء !
وتنظيف الجسم من السموم الداخليه بشكل عام
وبالفعل نظفت المعده بـ الياف طبيعيه وبالميزو واعشاب البحر اليابانيه
وكنت اخذهم من محل [ مريم نور ] يعنى مو مغشوشه ابد
واستمريت ست شهور كامله .. وقتها اختفت من ركبتى
لكن اطلعت بقدمى ويدي بنفس الفتره اللى اتناول فيه الالياف

بعدها صرت اخذ العسل المحلول بالماء على الريق
مع بذر الكتان ومجموعه اعشاب لتطهير الدم وتخليص الجسم من السموم
مع حبوب زيت كبد الحوت

واختفت بشكل كبير بس ظلت تحت الجلد
واحيان تظهر برؤووس حمراء مؤلمه واظطر استخدم ديفوبيت وتروح الرروؤس
لكن الصدفيه اشوفها تحت الجلد !


بعدها طحت لى على نظام المايكروبيوتك
وهو نظام صارم جدا جدا
طبقته خمس شهور متتاليه
تخيل لابهارات ولالحوم ولا حليب ولااجبان
ماغير رز كامل وقمح كامل وخضار مسلوقه نص سلقه وحليب فول الصويا
لانكهه ولاشيىء ! عقوبه بعيد عنك :d
لكن مع ذلك استمريت فيه خمس شهور ولاطرى للصدفيه انها تختفى !!


بعدها طحت لى على اللوريد
واستخدمته ثلاث شهور متتاليه لكن ماكو فايده
فـ صرت من اشوف الصدفيه تبى تطلع وتبرز الطها باللوريد
وتخف نوعا ما لكن اشوفها تحت الجلد ومسويه بقع بنيه واضحه
وارتاح منه اسبوع اسبوعين وبس تطلع الطها باللوريد ثانيه
واحيان تطلع بشراهه فـ اظطر استخدم ديفوبيت مع ديرموفيت

وهكذا لين جانا البطل ابو طه وانقذنا
عسي ربي يحرم وجهه ووجه والديه من النااااااار .. يارب ياكريم



\
عاد انت تبى تلف مثل لفتي ومردك للقطران :d

ذكرتيني ببرنامج سوته أمي لي لما كنت بالابتدائي لما نصحها فيه دكتور هندي .. كل شي ممنوع علي اكله
بس بالمدرسة كل شي ممنوع اشتريه ههههههههههه واجيب زياده للبيت بعد هههههههه عمري ماسويتها الا ايام البرنامج.. اتبع قاعده كل ممنوع مرغوب هع
الي ان اكتشفتني أمي لما شافت في شنطتي شاني وكتكات .. كتكات زمان ابو قصديره ههههههههه ف وقفت البرنامج.. أكيد قالت ذي مؤ مال برنامج وشغل هل تقعد بصد فيلتها أحسن