الدرس الرابع عشر من دروس فقه العبادات

[لمسة ملاك]

جزاك الله خيرا على التوضيح المفيد انا سعيدة جدا من هذه الدروس المختصرة المفيدة
جعلها الله في ميزان حسناتك يارب
تعلمت الكثير منها لكن عندي سؤال هل تقصدي الاسلام على الكافر صغير او كبير انو يعني لما نسلم باليد هل هذا يفسد الوضوء ويحتاج لغسل معقوول
ازا هيك مصيبة جارتي نصرانية وكنت مرات اصلي عندها واسلم عليها ولعب اطفالها
يعني صلاتي بدون وضوء !!؟
يارب عفوك ورضاك

[الفراشة المتألقة]

المشاركة الأصلية كتبت بواسطة لمسة ملاك

لمسة ملاك

جزاك الله خيرا على التوضيح المفيد انا سعيدة جدا من هذه الدروس المختصرة المفيدة
جعلها الله في ميزان حسناتك يارب
وجزاكِ من كل الخيرات والنعم يا سكرة .
أنا سعيدة لسعادتك

تعلمت الكثير منها لكن عندي سؤال
الحمدلله .. إي إتفضلي عيني .
هل تقصدي الاسلام على الكافر صغير او كبير انو يعني لما نسلم باليد هل هذا يفسد الوضوء ويحتاج لغسل معقوول
لااااا أبدا مش هيك القصد.

المقصود إنه الكافر لما يدخل للإسلام ، أول شيء يعمله إنه يقول الشهادتين ثم الإغتسال .

طيب ليه؟

لأنه الكفار ما بيتحمموا وينضفوا حالهم متل المسلمين ، ولو طلع أدامك مسلم وكافر بتئدري تميزي المسلم من نضافته .

فصار لازم ع الكافر لما يدخل ع الإسلام أول شيء يعمله إنه يغتسل .

وضحت النقطة عيني؟

ازا هيك مصيبة جارتي نصرانية وكنت مرات اصلي عندها واسلم عليها ولعب اطفالها
يعني صلاتي بدون وضوء !!؟
يارب عفوك ورضاك
ما تخافي عيني ، الإسلام مافي شي شاق وصعب.

ما أصلا الرسول عليه الصلاة والسلام كان جاره يهودي ، وكان عليه الصلاة والسلام بيتعامل مع اليهود في البيع والشراء وكل شيء .

إنتِ لما عمالك تتعاملي مع جارتك بلطف وتعاملي إبنها برقة وحنان ، إلك أجر من رب العالمين لأنه أول شيء عم تتواصلي مع الجار ، والرسول عليه الصلاة والسلام أمرنا بالسؤال عن الجار ومساعدته .

تاني شي: ممكن التعامل المنيح معها بيجعلها تفوت ع الإسلام ، وبهيك تكسبي فيها أجر كبير جدا .

كوني لطيفة مع الكل ، لأنه إنتِ صورة الإسلام لغير المسلمين .

لو عاملتيهن بقسوة رح يحكوا اه هو هيك الإسلام بيدعوا الناس للقسوة ، لأنن ما بعرفوا شو هو الإسلام إلا من خلال تعاملك ، والرسول عليه الصلاة والسلام قال (( الدين المعاملة )).

أيام زمان كتير ناس دخلوا ع الدين الإسلامي من أجل التعامل الراقي تبع التجار المسلمين ، هن بالأصل كانوا طالعين لأجل التجارة مش لأجل الدعوة للدين ولا شيء ، بس منشان التعامل الراقي الكفار أسلموا.

لأجل هيك حبيبتي بحكيلك أبدا أبدا ما تفتكري إنه الإسلام بيأمرنا نكون قاسين مع غير المسلمين ، أو إنه نتركهن ولا ناخد منهن إشي ، يلي بيعمل هيك هن الجاهلين يلي ما بيعرفوا شو هو الإسلام ، وإوعك تسمعي إلهن .

الله يسعدك وينور دربك.