علاج الصدفيه بوصفة ابوداليا (قيس محمد العبيدي العراقي) - الجزء الأول

[ايهاب العراقي]

المشاركة الأصلية كتبت بواسطة الانتاجي

ظهرت عندي حبوب صغيره مثل حب الشباب وتألمني عند لمسي لها علما بان لي سادس يوم من استخدام المحلول البريطاني
ويش راي ابو داليا
عندك السؤال اخي ايهاب
قلتلك بتعبك
لكن ماجور ان شاء الله

هلا اخوي الأنتاجي..لا عادي عيوني اني بخدمة الطيبين..هذي المشاركة سبق وان كتبتها للأخ احمد وقتها سألني نفس سؤالك
اهلا اخوي احمد.مثل ماقالت الخالة ريم والأخ مادمود..لاتقلق..بظهور هذه الحبوب اعرف انك قاعد تمشي بالطريق الصحيح..وهذي الحبوب اللي ظهرت عندك واللي تشبه حب الشباب ورأس الحبة مغطى بقشرة خفيفة(ليست صدفية) واللي تظهر في منبت الشعر..نفس هالشي هذا صار مع ابو داليا ومع معظم المرضى اللي عالجهم وليس الكل..وهذي الحبوب راح تقل بعد الجرعة العلاجية(اول 6 شهور) ومع تخفيف عدد استخدام القطران راح تخف وتختفي تدريجيا..والبعض تختفي عنده قبل انهاء الجرعة العلاجية ..وطبيعة ظهورها هاي الحبوب انو القديمة تختفي وتطلع حبوب جديدة في مناطق اخرى..والتفسير العلمي لظهور هاي الحبوب انو القطران الحجري يحتوي على المادة الفعالة التي تعالج المرض+مواد اخرى ...واحدى هذه المواد الأخرى تدعى الأسفلتين وهي التي تسبب اللون الأسود للقطران..هذه المادة التي تدخل الى الجسم راح تتجمع بمنطقة منبت الشعر اللي تعتبر مثل مستودع تنخزن بيه المواد والدهون وتطرح خارج الجلد..اي ان الجسم(الجلد)يتخلص من هذه المواد الغير مرغوب فيها والزائدة الموجودة في القطران عن طريق هاي الحبوب.
وورا فترة من الزمن راح تلاحظ انو الحبوب القديمة راح تكون على شكل زيوان(رأس اسود) وبمجرد ماتزيلها بأيدك او تعصرها راد تطلع منها هاي المادة السودة..هذي المعلومات نقلا عن ابو داليا شرحها وانا كتبتلكم اياها..تحياتي