ممكن أثابكم الرحمن

[ذاتَ مبدأ]

اللهم اجمعين الله يجزاك خيير

اخوي لا هنت

من فتره حلمت كأني بممر مظلم وكان جوانبه فيها أقفاص ولاقفاص داخلها اسوووود كثييير بالآلاف وكان بعضها يأكل لحم والبعض لآخر يضربو على القفص كأنهم بيهجمون علي
وكنت خايفه حييل وكان بالممر مرأه كأنها دكتوره قالتلي ما تطلعين إلا من هذاك الباب يوم رحت للباب إلا اسد واقف عند الباب يعني إذا خرجت بيركض وراي المهم فتحت الباب وصار الاسد خلفه وخرجت وكانت صحرا بس فيها بيوت قديمه و قعدت اركض من الخوف والأسد وراي وبلحظه قلب إلي رجل ومعه خنجر وكان يبي يطعني بعدين سقط الخنجر منه واخذته
وطعنته سبع طعنات


والحلم الثاني الله يجعلك من الفائزين بجنان النعيم

يوم صليت الفجر حلمت كأني قاعده بنفس مكان المصلي وكنت لابسه لبسي الصلاة
وكان اصبع رجلي اليمين الكبير يعورني وكان اظفري كانه مشلوع المهم شلت الاظفر
وطلع منه دوده تحفر بجلدي حيييل وكانها بتدخل بجسمي وكانت تعورني جت أمي وقالتي عطيني رجلج
وشالت الدوده ولكن بقى العرق والارس ويتحرك بأصبعي وقالت أمي ما اقدر فقلت
أنا اشيلها وشلتها

والحلم الثالث
تحلم كأني اسوك أسناني بمسواك

أنا عمري 19 سنه وحيدة أمي وملتزمه ومومتزوجه وادرس

وبس ربي يسعدك وآسفه ع الإزعاج