.. دعوة على العشاء .. تفضلوو

[راغبة في رضا الله]

8_ هل هناك طبق اساسي لأبد أن يوجد في وجبة طعامك ؟؟
صراحة مافي شي معين بس اذا بالمطعم لازم بطاطا مقلية ومايونيز مابعرف آكل اذا مو موجودين
9_ هل تعتبر نفسك محظوظ في الحياة ؟؟
كتير محظوظة أولا لاني مسلمة مؤمنة بالله في حظ احلى من هيك
تانيا ربنا عطاني كتير نعم اكتر بكتير مما بستاهل وخلصني من مشاكل وهموم كتيرة
تالتا دائما بصادف بحياتي ناس طيبيين وحتى لو انوجد ناس مو منيحين وحاولوا يضروني مابيقدروا ربنا بيحميني وآخر شي بيصيروا صحابي
10_ هل قمت من قبل بإعداد طبق بنفسك وماهو ؟؟
كتير بحب الطبخ واكتر طبق بحضره هو البيتزا

11_ هل أنت من الناس التي لأ بد أن تتحدث على الطعام ؟؟
اذا بالبيت لا بظن من آداب الطعام قلة الكلام كمان الاكل اثناء الطعام ممكن يغص الانسان لاسمح الله
بس اذا بالمطعم بظن فترة الاكل رح تطول وهيك لازم نحكي لحتى تحلى القعدة بس المهم مايكون في كلام اثناء مضغ الطعام (اجت عالقافية )

12_ هل تهتم بأمر التجمع على مائدة الطعام ؟؟
آه طبعا أصلا الأكل مابيحلى الا بالجمعة وكل ماكان عدد المحبين اكتر كل ما كان الاكل أطيب على شرط تطلبنا عبوقة اكل كتير لحتى مانقوم جوعانين


امممم مرة أخرى قاطعنا النادل




13_ هل تهتم بأمر التحلية بعد الطعام ؟؟
وماهي افضل انواع الحلويات لديك ؟؟
بحب آكل بوظة بعد الأكل واذا المطعم ماضيفنا بوظة بزعل كتير ويمكن دور على غيره المرة الجاية
14-هل صادفت مرة أن أكلت طعاماً ولم يعجبك
ولكن أكلته فقط مجاملة لصاحبه ؟؟
انا مابحب خجل حدا دعاني الا اذا دعوة اكل مابلبي الا دعوة ناس بحبهن وارتاحلهن وهيك هدول الناس مابخجل منهن يعني اذا الاكل ماعجبني ماباكل وممكن اتذرع بأي حجة غير اني قول انه الاكل موطيب مابعملها لأني مابحب خجل حدا

15_ ما يشد دائما انتباهك جودة الطعام
المقدم أم شكل المكان المدعو إليه ؟؟
صراحة شكل المطعم بيشدني اكتر لانه انا بحب روح عالمطعم لحتى غير نفسيتي ولاني بحب الطبيعة والاجواء الحلوة كتير ولو القصة قصة اكل طيب وبس كنت حضرت اكل بالبيت او طلبته من المطعم عالبيت بس بجميع الاحوال مافي مانع ويستحسن انه المكان يكون حلو والاكل يكون طيب

إذن




أجد الوقت قد مرّ بسرعة لكما انتما الاثنان
و اخيراً ..




هل تحب أن تكرر التجربة مرة أخرى معه ؟؟
طبعا اكيد على شرط المرة التانية العزيمة على حسابي
وبقترح تروح معنا كمان ورد جوري

شكرا كتير لالك حبيبتي عبق الاحبة عالدعوة والاكل كتير كان طيب والمطعم كتير حلو بس ماني شايفة (ماء )بالصورة المرة اللي جاية لازم تكون الدعوة بمطعم عالبحر
السلام عليكم