يجب محاكمة من تسبب في حصار كنيسة امبابة وإشعال الفتنة الطائفية

[أبو جهاد المصري]

إحنا مش عايزين ننفي مسئولية حد سواءا كان مسلم أو مسيحي، الجميع مسئول،ولكن بنسأل سؤال وعايزين رد عليه، لماذا يصر السلفيون علي التظاهر أمام الكنائس، يعني هلي يقبل السلفي بتظاهر قبطي أمام المسجد، طب وإن كان رافض طب لماذا قام بهذا العمل؟؟!إحنا مش عايزين حد يستغفلنا، إحنا عايزين مصارحة ومكاشفة، والإعتراف بالخطأ مش جريمة بل هو عين الصواب

اليوم أصدر المجلس العسكري عددا من القرارات منها ظهور برامج دينية مسيحية علي التلفزيون المصري أسوة بالبرامج الإسلامية، أيضا أصدر قرار بتجريم التظاهر أمام دور العبادة، طب كان فين دا من زمان؟؟!
علي العموم هذه بشارة طيبة لما سيحدث مستقبلا أكيد هايبقي فيه تطور علي صعيد النسيج الاجتماعي بين المسلمين والمسيحيين وهو دا اللي احنا عايزينه

لكن مطالبنا هي الأصل لابد من محاكمة المتورطين الحقيقيين، ومش عايزين نستغفل الشعب ونقول فلان مش مسئول تبعا لمصلحة يراها فرد أو تيار مهما كان وضعه، اللي غلط يتحاسب