سواليف عقب عصر قربوا الفستق وتعالوا نتقهوى

[أبو ريماس]

المشاركة الأصلية كتبت بواسطة جودينا

شاطر صديقكم ابا ريماس يصفي حساباته مع الصدفيه اول باول<< على وزن يحل واجباته اول باول

ليش كل ذا الدعك والجلد اليومي في ظهر الهانم وش حليلها ماتستاهل
انا احتج على هذي الطريقه
ليش؟؟ لأن خلايا الجلد المصدوف تتجدد كل 3 او 4 ايام..يعني كل 3 او 4 ايام ادعك مرا وحده

اما كثره الدعك اليومي قد يجرح ويلهب المنطقه المصابه وحتى لو استخدمت علاج مراح تبين نتيجته من كثر الدعك..اجل شلون يبني الجلد السليم وانت تكرش فيه كل يوم !!! عط الحره (الصدفيه) فرصه
هذا اولا

ثانيا جرب بعد الاستحمام اليومي انك تدهن كل جسمك بشامبو يحتوي على قطران ثم بعدين اغسله..جرب علبه وحده بس وشوف النتيجه منت خسران..قرأتها في منتدى اجنبي ويمدحونها
وبس
بارك الله فيك

أول شي تعالي من قالتس بس اني ( شاطر ) هاااااهـ !!

وجع يوجع بطن الظالم

وثاني شي أهووووه خذا فنجالتس ودوتس صحن الفستق على الطوفرية

( طوفرية )!!! <<< من وين طلعت هههههههههههههههههههههههه

المراد يا شطورة الموضوع مطروح للنقاش وقابل للأخذ والرد ، وعلى طاري شامبو القطران وما شامبو القطران اللي تقولينه الله يذكرتس الشهادة قولي آمين لأنتس ذكرتيني سالفة ما قلتها وهي اني كل يوم اتسبح ( بالصابون المغربي وخالط معه زيت القطران معاصر الأحلام ) ثم أعمم االصابون اللي صار سايل بعد خلطه مع زيت القطران على كل جسمي .... بس فيه ثلاث بقع ركزت عليهم وصرت ادعكهن بشكل مبالغ فيه بالليفة المغربية الناعمة مع ملاحظة اني انشفهن بسررررعة

والنتيجة والحمد لله جيدة جدا

وعلى طاري تجدد القشور و القشرة اللي راح تبني ( على قولتس ) !! كيف تفسرين نعومة جلد الاماكن المدعوكة و تغير لونها الى اللون البني الفاتح المقارب جداااا للون الجلد وعدم ظهور القشور عليها مقارنة بالبقع الاخرى وعلى فكرة قبل يومين جربت ووقفت الدعك والدهان حتى ولقيت ان البقع المدعوكة بكثرة مقاومة اكثثثر بكثير للتقشر من بقية البقع المدعوكة بشكل اخف ؟ فما هو السبب ؟ أضيفى الى ذلك ان بعض البقع الصغيرة ( للدقة فقط بقعتين بحجم حبة القهوة ) اختفت تمااااااما وكأنما لم تخلق قط !!