رحلة ابنتي مع الاكزيما و رجائي من الله الشفاء

[عازمة على شفائه]

كيفك نسرين حبيبتي:
وشو اخبارك؟؟انا اشتقتلك بالاكتر والله.....
شوفي يا ستي الحبوب الي وصفتيها الصغيرة كانك عمبتحكي عن الحبوب على وجه ابني تماما هي مو صدفية بس حبوب صغيرة كتير كتير متل راس الدبوس وجواتها ابيض...بس بتروح لحالها بعد اسبوع او اتنين بنفس الطريقة الي ذكرتيها....اول يومين في شي ابيض بعدين بصير بني غامق بعدين بتروح لحالها بعد فترة...وبصراحة اناكمان مستغربة ليه؟؟مع انو صغير ومو سمين ابدا بس صحتو الحمدلله كويسة...بس اعتقد والله اعلم انها حساسية من شيء معين متل الشيكولاتة...انا بقول بيجوز لاني بدهنلو زيوت كمان على وجهو ....والله ما بعرف...مع العلم انهم بطلعوا على خدوده من تحت...وانا بهديك المنطقة بالزات ما بستعمل زيوت لانو الحمدلله ما في شيء عليهم....بس بيجوز الوجه ما بعرف يتنفس لانو بحطلوا كزا مرة باليوم شي ثلاث مرات....بطلعوا هدول الحبوب والله تعالى اعلم....بس انا دائما بستغرب ليه بطلعوا....بس همي مو عاملين مشكلة كبيرة صح..؟؟يلا الله يجيب الي قيه خير...ازا حاولت اربطهم بشي معين اكيد رح اخبرك ان شاء الله......
سلامي لكي ولاخي سعيد....ما قصر معك بالمرة....بس اخي بالنسبة للحلبة...ملعقة يوميا بتنصح وهي لين اصلا مليانة يعني بيجوز تنصح كتير...انا ابني السنة الماضية لما اعطيتو حلبة ما شاء الله الكل صار يسالني...شو عمبتعطي ابنك نصحان ما شاء الله...قلتلهم حلبة...وبعدين قطعتها من الرائحة وخفت ينصح كتير بصراحة....بس ممكن بديل الها زيت كبد الحوت والله تعالى اعلم....بس لانها لسة صغيرة الواحد بيخاف من كل شي بنشرى من الصيدلية ليكون باثر عالاطفال ولو بعد فترة...مع العلم انا قرات دراسات عديدة من مواقع اجنبية عن فوائد هذا الزيت وعن التحسن الكبير الذي طرا على الاطفال الذين تناولوه بانتظام بعد فترة....بس خلص هيك الام بتضل تخاف لحتى الطفل يبطل مسؤوليتها ويصير صاحب قرارو...صحيح؟؟

[nisreen1811]

يا رب تصير عن قريب صاحبة قرارها يا رب
اكيد ما راح تكون راضية عن وزنها -
وتنسى موضوع لخابيط الشوكولاتة والشيبس
والله انا برجح الحساسية يا عازمة
لانها بتطلع بعد البيض والبندورة تحديدا
بتعرفي ليش
لانه الخرابيط ما بتنقطع - عرض متواصل 24/7
والمصيبة اني طبخت فاصوليا خضراء برب البندورة يعني اكيد اليوم راح تولع المسكينة
بتعرف يا سعيد
لازم اقلب الدنيا على التحميرة اللي قلت لي عليها - لازم الاقيها

والحبوب متل ما قلت مش كتير مشكلة لانهم ما بيطولوا - بس والله حجمهم شوي كبير عند بنتي بس المهم انهم بيروحوا

حبيبتي عازمة - بدي اسالك: التحسن اللي قرات عنه هو تحسن من الامراض الجلدية والا من الوزن - انا قرات موضوع صاحبتنا امل عن فيتامين أ انه مفيد للجلد وبفكر فيه بعد ما اخلص الملتي فيتامين اللي اشتريته مع اوميغا 3 و طبعا لازم اترك فترة بدون ولا اشي - بس من اي مشكلة بالضبط كان التحسن؟

يا رب تشفي بنتي وامي وطارق ومازن وابن عازمة وكل مرضى المسلمين يا رب وترحمهم برحمتك الواسعة

[nisreen1811]

السلام عليكم ورحمة الله وبركاته
حبيبتي عازمة صباح الفل
اظن انه التحسن من زيت كبد الحوت اللي قرات عنه - والله اظن ممكن نعطيه لاولادنا بعد استشارة الطبيب - وهدا الزيت فيه فيتامين أ اللي حكت لنا عنه امل
شو رايك؟

المشاركة الأصلية كتبت بواسطة عازمة على شفائه

انا ابني السنة الماضية لما اعطيتو حلبة ما شاء الله الكل صار يسالني...شو عمبتعطي ابنك نصحان ما شاء الله...قلتلهم حلبة...وبعدين قطعتها من الرائحة وخفت ينصح كتير بصراحة....بس ممكن بديل الها زيت كبد الحوت والله تعالى اعلم....بس لانها لسة صغيرة الواحد بيخاف من كل شي بنشرى من الصيدلية ليكون باثر عالاطفال ولو بعد فترة...مع العلم انا قرات دراسات عديدة من مواقع اجنبية عن فوائد هذا الزيت وعن التحسن الكبير الذي طرا على الاطفال الذين تناولوه بانتظام بعد فترة....بس خلص هيك الام بتضل تخاف لحتى الطفل يبطل مسؤوليتها ويصير صاحب قرارو...صحيح؟؟

اظن انه التحسن من الامراض الجلدية على الزيت صح؟

المشرف والاخ العزيز سعيد
سوف ادخل العلاجات الداخلية بالتدريج ان شاء الله بعد انهاء الملتي فيتامين وساخبرك بالتطورات ان شاء الله
وشكرا على وصف التحميرة واظن كما قلت لي موجودة وعلى وصفك اظن اسمها عنا (فليفلة حمرا مطحونة ويمكن هي قريبة من البابريكا (بنت عمها او جارتها ))

بالنسبة للدهان ساضيف غسول البابونج والزعتر
حاليا ادهن لها المرطب 4-5 مرات باليوم (فيه زيت البابونج وزيت prim rose) والوضع في تحسن الحمد لله ولكن بطيء جدا
ايضا ادهن لها مرة واحدة على منطقة محددة العسل وزيت الزيتون - لان العسل لوحده كتييييير حامي وكان يوقظها في الليل من الحكة والحرارة

واعترف بالجميل والمعروف العظيم (على نافوخي )من الاخ الغالي هجهوج وحبيبة قلبي عازمة على هالوصفة الرائعة للعسل والزيت - اخي هجهوج كونك خبير لغات اتمنى ان تصلك رسالتي

زيت الزيتون اشتريته حسب نصيحة اختي عازمة من مؤسسة جميل القدسي زيت بالبابونج وزيت بالخزامى واخلط النوعين مقدارين من الزيت مع مقدار مع العسل واخلطه وادهن لها وهو ممتاز ايضا واذا اصبح التحسن على منطقة الزيت ملحوظ خلال اسبوعين وسبق تحسن منطقة الكريم لوحده بدون الزيت ساستغني عن الكريم واستبدله بدهان الزيت
ايضا الزيت مفيد للحبوب المتفرقة (الحساسية) و يعجل في ضمورها - وممتاز للحبوب الصغيرة على الوجه - جربت المرطب وجربته وفاز الزيت بجدارة
الحمد لله وضع بنتي اليوم افضل من امس وكل يوم افضل من اللي قبله وخصوصا مع ايقاف البيض والبندورة.
الشفاء قريب ان شاء الله
لان الشفاء يتم ولكن بخطوات بطيئة والاهم لا يوجد تزايد رهيب كما حصل في الاسبوع الماضي
الف الحمد لله يا رب

اختي العزيزة مشاعل
وانا احيي فيك ايضا شخصيتك القوية وردودك المرحة حينا والصريحة المباشرة احيانا وفي صميم الموضوع ويسرني ان اسجل اعجابي فيك وفي اسلوبك المحبب

والله فطر الكنديدا تم استبعاده يا مشاعل بسبب وجود التشققات والجفاف وعدم الاستجابة لكبسولات الفطريات (الاتراكونازول) وكريمات الفطريات ولكن لم اعمل تحليل بناء على الراي النهائي لاخر طبيبين زرتهم حيث اتفق الاثنان انها اكزيما ولكن احدهما يقول تلامسية والاخر يقول وراثية والحل للاثنتين الترطيب (فقط) وانا اضيف لها مما قراته حساسية البيض والبندورة والسمنة لانها تعتبر من مهيجات الاكزيما وارجو من الله الشفاء التام والقريب لك خصوصا و للجميع

يا رب تشفي بنتي وامي وطارق ومازن وابن عازمة وكل مرضى المسلمين يا رب وترحمهم برحمتك الواسعة