منتوجات العراب

[عازمة على شفائه]

مية بالمية حكيك مزبوط ..بتعرف اخي سعيد:انا ما بتزكر اني عمري حضرت فيلم عربي الا لما تزوجت بصراحة لانو اهتمامات زوجي عربي اما انا من وانا صغيرة بحضر اجنبي...بس زمان اخي كانت القنوات تقطع اللقطات بالافلام مو زي هلأ...يعني كنا نحس الافلام الاجنبية انضف من العربية ولهلأ على فكرة..الافلام العربية تقليد مقرف لانه لا يحكي الا واقع الممثلين فقط...بس خواني الله يخليلي ياهم كنت مسميتهم الرقابة....يعني كان لازم يحضروا الفيلم اول بعدين يعطوني ياه احضرو...بتزكر كتير كنت بدي احضر التايتانيك واضل احكي لخواني من شان الله حضروني ياه وكان طالع جديد لسة....فاخوي الكبير بتزكر يومها رجع سجللي الفيلم بدون لقطات وحضرني ياه....لا الحمدلله من احنا وصغار واخواني حريصين علينا جدا...يمكن لانو ابي كان بيعمل بالخليج ومو عايش معنا....فكانوا عاملين دور الاب علينا....
معليش اختي صباح سامحينا..طلعنا عن الموضوع..بس انا كان عندي هوس اسمو افلام اجنبية بس هلا خفيت كتيييييييييير...مع الاسرة والصغار..يعني بتخانق انا وولادي على التلفزيون...الله يسهل الامور ان شاء الله...