أشرقت شمس صدفي جديد في المنتدى فهل من مرحب

[آبو آدم]

المشاركة الأصلية كتبت بواسطة saidmoslime

آ خويا انا مغلغل عليهم بزاف

ناس استغلاليين كاين فيهم اللي حسسني بكلامو كأنني انا السبب
تهاونت فالعلاج و فات الاوان و هو علاجهم اصلا ما تيبريش و ما تيشفيش
و دكتوره مزال الان تنتفكرها ما نكرهش ربي يعذبها تتشوف الويل
عاملتني بحال انا شي معفون و موسخ و خانز
كيف تحس يا خويا من بعد هدشي كامل
عاد كثرت المصاريف و كثرت الادويه اللي ما ليهاش اول ولا اخر
و زيدها واحد حشاك لحمار عطاني دوا كورتزوني حبوب عن طريق الفم
شحال و انا تنصرط فيهم و هو اصلا ممنوعين على مالين الصدفيه ممنوع تعطي المريض صدفيه اي دوا كورتزوني عن طريق الفم او الابر .
لانه تيجعل الصدفيه تنتكس و تنتشر كثار فالجسم بعد ما تحبسو
الله ياخد فيهم الحق كاملين
و زيدك حتى شركات الادويه و الاستغلال
تصور مثلا غير بولي تار تيدير هنا 105 دراهم و غير البارح كتب اخ هنيا اسمو ابو ريماس تيدير 3 دولار عندهم ماشي منكر هذا غير قول اخويا.
علاش هاد شفرا و سراقا متيحشموش و راه سمعت فتقرير طبي انهم تيربحو كثار من 60 فالمئه فاي دوا و عدد من الادويه مقلده تيحسبوها ليك بثمن الدوا الاصلي
راه عندنا مافيا هنا و حنا ما عارفين والو.

لا حول و لا قوة إلا بالله داكشي لاش كا تلقى أصحاب الصيدليات كلهوم بالكات كاتات و البي إم دوبل في و الحديد غير الحي تقول أنتا راهوم وزراء كاتلقى عندو الصيدلية في حي مهمش و الحديدة عندو ديال الوزراء و كلشي على حساب الشعب المقهور
أنا خويا دار كسيدة ديناه لواحد لكلينيك في مكناس في الباب قبل ما يدخلوه قالينا الطبيب 6 ديال المليون واش موافقين ما قدرش يدخلوا يديرلو بعدا غير الإسعافات الأولية عاد يتبزنس
الله المستعان