°•.¦[ܔ.الـ T gel حل آخر لصدفيه الراس .ܔ]¦.•°

[أبو ريماس]

مشاركة جيدة ورائعة منتس يا اخيتي جودينا

صحيح ان التي جل موجود من زمان

بس الشي الجيد الطيب الحسن اللي يحسب لك وانا اخوتس انتس طرحتي موضوع هالشمبو وذكرتي به غيرتس اللي يمكنهم ما يعرفونه ،،، يا مال العافية والله

وعلى طاري هالشامبو فأنا مستخدمه من سنتين تقريبا بدون وصفة ،،، ويوم رحت للمستشفى الجامعي كتبته لي الدكتورة وقالت تراه شمبو زين بس لازم تشتريه من برا واخوتس في الله ما ناظر الورقة ابد هههههههههههههههههه ورحت لصيدلية الجازع اللي في الدرعية ومديت له الورقة وعطاني نفس الشمبو اللي عندي التي جل هههههههههههههههه قلت هذاااااااااااااااااااااااااا ياخي عندي في البيت !!! ههههههههههههههههه قال اجل بس هو هو

قلت اجل والله ما اردك هاته زيادة الخير خيررين وكان وقتها بـ 45 ريال ثم ارتفع ووصل 48 ريال ،،، واذكر اني وقتها شار علي الصيدلي بالبولي تار وبدأت مشواري مع البولي تار ولقيت انه مهوب شيييين ابد ابد ابد وحتى سعره ما شاء الله تبارك الله 12 ريال اوووووووووووووووووووووه الله يديم الرخص

المراد وانا اخيتس يا جودينا ترا التي جل على قولة الصيدلي ( ما فيه قطران أبد أبد أبد ) <<<< والعهده على الراوي هههههههههههه وعلى طاري الراوي و ما الراوي ترا الشمبو تي جل ما فيه ريحة قطران ابد ابد ابد لا من قريب ولا من بعيد ....

وفي الختام <<< متعوبن عليها بالحيييييييييييييييييييييييل ههههههههههههههه
ايه اقول وفي الختام <<<< خلاص عاد ييزي مرتن وحده مب قبل حلا هي ههههههههههه ترا من هالشمبو نوعين النوع اللي انتي حاطته هو القوي الثقيل وعلى فكرة اهو مخصص للقشرة مهوب للصدفية بس للقشرة القويييية بالحيل ،،،، وفيه نوعن ثاني لونه كأنه لون زيت الذرة تقريبا اصفر وهو للقشرة الخفيفة ،،،،

وبالنسبة لي جربت النوعين البني والاصفر واشوف ان البني بالفعل قوي على قشور الصدفية في الراس اما الاصفر فريحته زينة ولكنه اقل قوووة من البني

<<< أجل في الختام الله من النصب شكل ختامك من النوع المطاطي ههههههه هع هع هع

دمتي بخير اخيتي جودينا وشكرا لك مرة ثانية على الطرح والتذكير