الجدول اليومي المتبع للسيطرة والتعامل مع الصدفية

[أبو ريماس]

المشاركة الأصلية كتبت بواسطة جودينا

الناس يبو ريماس يعيشون حياتهم طبيعيه..يمرون بظروف مرضيه يعالجونها لكن تبقى حالات استثنائيه ...الا حنا عكسهم حياتنا مابين كر وفر طول عمرنا واذا وقفنا فهذي حاله ستثنائيه ثم بعدها نرجع نستأنف ولله الحمد والمنه ومايضيع شي عند الله

وحاليا برنامجي يفشل نوعاما <<حسب الظروف الحين فتره تسليم بزنتيشنات وواجبات وبعدها فتره اختبارات الله يسهل
فـماني قاعده استخدم للهانم غير فازلين وحبوب اوميغا3 وعلى فمها الشحم
غير كذا ماني مسويه شي حتى لو تهيج لكن ناويتها بشر بس اخلص اختباراتي واسترجع حماسي ويصير خير ان شالله

هلا والله وسهلا بام الجود اخيتي جودينا يالله ان تحييها مالتس شوفات ولاش عسى المانع خير ان شاء الله
والله العالم ان المانع اتضح من ردتس الله يعينا واياكم على هالاختبارات ويالله الهمة الهمة شدي حيلتس وارفعي روسنا

وعلى طاري الصدوفة وانا اخوتس فلا اوصيتس احتسبيها عند الله وعلى قولتس ما يضيع شي عند الله سبحانه والحمد لله رب العالمين انها صدفية مهيب شي ثاني يسدحنا في هالمستشفيات اللهم يا كافي ...
يارب لك الحمد والشكر على قدرك وقضائك

على العموم بالتوفيق وانا اخوتس والله يعافيني ويعافيتس ويعافي جميع المسلمين والمسلمات آمين يا رب العالمين ،،،
وفي انتظارك بعد الاختبارات لتسجلي جدولك في السيطرة على الصدوفة افندم :d

وعلى طاري ( بزنتيشنات ) << والله لو تاخذ طاقيتي ما عرفتها ههههههههههههههههههه مير ما اقول الا عسى ربي يعينتس عليها وبالتوفيق ان شاء الله

[جودينا]

المشاركة الأصلية كتبت بواسطة أبو ريماس

وعلى طاري ( بزنتيشنات ) << والله لو تاخذ طاقيتي ما عرفتها ههههههههههههههههههه

البرزنتتيشنات هي جمع برزنتيشن ..شبيهه بالواجب ولكن تختلف قليلاحيث تعطيك الاستاذه موضوع معين وبشروط وانت تبحث وتكتب عنه حسب طلب الاستاذه ايضا ويختلف كليا عن برزنتيشن صديقك منعا للطش..قد تطلبك برزنتيشن يتكون من500 كلمه وقد يكون مدعم بالصور ومنسوخ على CD قد تطلبك ان تلقيه امام الطلبه اصدقائك<<انواع الضحك هنا..قد تطلبه في عرض بروجكت قد تطلبه في او راق او ترسله على الاميل ثم توزع الCD على اصدقائك او تجيب شي من اللي كتبت عنه وتوزعه وفي النهايه قد لاتحصل على الدرجه الكامله

اذا هو ليس شيئا ياخذ طواقي الناس وليته كذلك
بل هو شيئا يخسف الدرجات والله المعوض

[أبو ريماس]

المشاركة الأصلية كتبت بواسطة جودينا

البرزنتتيشنات هي جمع برزنتيشن ..شبيهه بالواجب ولكن تختلف قليلاحيث تعطيك الاستاذه موضوع معين وبشروط وانت تبحث وتكتب عنه حسب طلب الاستاذه ايضا ويختلف كليا عن برزنتيشن صديقك منعا للطش..قد تطلبك برزنتيشن يتكون من500 كلمه وقد يكون مدعم بالصور ومنسوخ على CD قد تطلبك ان تلقيه امام الطلبه اصدقائك<<انواع الضحك هنا..قد تطلبه في عرض بروجكت قد تطلبه في او راق او ترسله على الاميل ثم توزع الCD على اصدقائك او تجيب شي من اللي كتبت عنه وتوزعه وفي النهايه قد لاتحصل على الدرجه الكامله

اذا هو ليس شيئا ياخذ طواقي الناس وليته كذلك
بل هو شيئا يخسف الدرجات والله المعوض

هلا والله ام الجود يا هلا والله وسهلا ....

ما تقولين لي الحين وش جابتس تفرفرين في الملتقى هه ؟

المفروض انتس هالحين مبززززرررتن عيونتس في هالكتب الله يعينا واياتس آمين
استعيني بالله بس وكثري من (البرزنتتيشنات)<<< والله من صعبها ما عرفت اكتبها ههههههههههههه وشلون عاد اقولها بلساني امحققققق هههههههههههههههههههههههه
بالتوفيق يا ام الجود وفي انتظار اخبارك السارة والنتايج اللي توسع الصدر ولا احدن ياخذ طواقي احد ان شاء الله