|
|||||||
| علاج مرض الصدفية والامراض الجلدية ملتقى يختص بعلاج الامراض الجلدية ومرض الصدفية المزمن وآخر ما توصل اليه العلم حول هذا لمرض |
 |
|
|
أدوات الموضوع | انواع عرض الموضوع |
|
|
|
#1
19-12-2010, 08:38 AM
|
|||
|
|||
رد: طفلتي و الصدفية - ارجو المساعدة
تسلم يا سعيد
 الله يخليك يا موسوعتنايا رب تفرجها يا رب تشفي بنتي وترحمها برحمتك الواسعة يا رب العالمين  يا رب تشفينا وتشفي بناتنا واولادنا وترحمنا برحمتك الواسعة امين يا رب العالمين 
|
|
#2
19-12-2010, 11:05 AM
|
|||
|
|||
|
رد: طفلتي و الصدفية - ارجو المساعدة
عزيزتي نسرين:
كيفك حبيبتي وشو اخبارك؟؟؟وكيف الامامير الصغار؟؟ حبيبتي نسرين السؤال الي سالتي عن الفطريات تصير صدفية بعد وقت طويل من الكورتيزون زي ما قلك اخي سعيد مستحيل استحالة...بس انا عارفة ليش سالتي السؤال....لانو طبيعة الام انها تلوم حالها او تحاول تلوم حالها عن اي شي بصير لولادها....انا متلك نسرين كنت حاسة اني السبب بس مو عارفة كيف يعني شكيت بحالي معقول لاني كنت اعطيه من هو بيبي اعشاب يوميا؟؟؟بس الحجم كان 30 مل فقط وطبيبة الاطفال هي الي وصفتها.....ومعقول لاني مرة تركتو يعيط وهو بيبي وانا كنت بنشر الغسيل ويومها طول وهو يعيط؟؟؟ومعقول ؟؟ومعقول؟؟؟وياما طلعت اشياء بعدين اكتشفت انو لأ هادا قضاء الله وقدرو....وكان رح يصيبوا لو بعد وقت...واوعي تلومي حالك يا نسرين او تلومي زوجك انو بجيب الخرابيط تبعت الصغار عالبيت كتير ....لانو في كتير ناس بخبصوا بالاكل وما معهم شي...بس في شيء اسمو استعداد جيني عند الشخص.... المهم هلأ انو لازم يا نسرين من اول البنت تروح عند طبيب شاطر كتير...لانو الواحد بروح وبيجي الف مرة عالدكتور العادي وبالاخر بدفع نفس كشفية الطبيب الشاطر....ويمكن بالاخر كمان يضطر يروح على طبيب شاطر.... شوفي هاي مو لوز نازلة...ولا رشح ...كان بقلك دكتور لو عام والسلام.. بس هادا موضوع صاروا مختلفين فيه كزا طبيب...لأ..انا بختصر الجدال وبروح عند طبيب شاطر وانا دليتك على واحد هو اشطر طبيب في الاردن....على فكرة انا ابني اول شيء اخدتو طبيب عام ...شخصها شيء تاني...واعطاني دواء ما طابت...بعدين طلع في مكان جديد علطول على طبيب شاطر وبنفس الجلسة (وبلحظة)عرف بدون عينة ولا اشي...مع العلم انو لما حكينا للطبيب الاول طلعت صدفية ...انصدم وقال مستحيل...لانو هي فعلا مو مبينة صدفية الحمدلله رب العالمين...يعني ما شاء الله لا قوة الا بالله هي خفيفة عندو....بس هادا الطبيب بروح مؤتمرات كتير ومطمئن جدا....حاولي تروحي عندو بس تقرري وتتسهل امورك يا رب بعدين يا نسرين انتي عارفة مستشفيات الجامعة بتعل القلب يا بنت الحلال...روح وتعال... لا تقلقي نسرين من عودة الحكة....بيجوز شي عادي..ولا تقلقي قدام البنت ابدا حرام...بكرة هي بتصير تضل تتفقد بحالها.....خودي الامور ببساطة .... سلامي للين وبسيلي ياها وقوليلها هاي من خالتو عازمة....ماشي؟؟؟ اللهم اشف جميع مرضى المسلمين اللهم اااامين....
|
|
#3
19-12-2010, 12:46 PM
|
|||
|
|||
|
رد: طفلتي و الصدفية - ارجو المساعدة
حبيبتي عازمة
انا نص ونص عندي شوية ظروف سيئة بحكيلك عليها بعدين  الاولاد بخير الحمد لله وبوسة لين بتوصل ان شاء الله  انا يا عازمة بتمنى الله يقدرني اعمل اللي شايفاه صح ويشفينا ويوفقنا ويطمنا ويسعدنا كلنا وبس ادعيلي
|
|
#4
20-12-2010, 09:10 AM
|
|||
|
|||
|
رد: طفلتي و الصدفية - ارجو المساعدة
السلام عليكم ورحمة الله وبركاته
الوضع مستقر قرات الكثير عن الكانديدا ولها اسباب كثير واعراض كثيرة المقال الذي ارسلته لي يا سعيد مع ان نتيجة بنتي 70 نقطة فقط - ربما لانها طفلة لم تظهر عندها باقي الاعراض  الا انه عند قرائتي اكثر عن الكنديدا معظم المسببات موجودة عند بنتي الوجبات السريعة قلة الرياضة عدم المضغ الجيد للطعام السكريات بشكل كبير جدا لم اكن استعمل في الطبخ الا البهار العادي / نوع واحد والفلفل الاسود لاقرفة ولاقرنفل ولا زنجبيل ولا ثوم ولالبن (هي لا تحب اللبن لوحده) ربما عندها مشاكل في الانزيمات بالنتيجة نحتاج لدكتور شاطر وهذا ما احاول الوصول له الان الاتكال على الله. حبيبتي عازمة انا والله اعرف انه العادات السيءة للاكل مضرة والوم نفسي والوم والدها جزئيا ولكن انا مؤمنة بقضاء الله وقدره والمؤمن يرضى بنصيبه  سمعت لك قصة واحدة صيدلانية بتشتغل مع اختي - بتقطع القلب  - هي صيدلانية ومتزوجة عمرها 35 سنة ومتدينة جدا لدرجة انها تمنع الموجودين معها في اي مكان من الغيبة والنميمة - هذا ما لا اقدر على عمله انا طبعا - ان لم اكن زعيمة الجلسة  - المهم هي دائما مريضة ومعلعلة ودايما تعبانة (كانت ) تعاني من اكتر من مرض1. عندها فتق بين المريء والحجاب الحاجز فاحماض المعدة تخرج من الفتق وتؤذي جسمها من الداخل 2. متزوج من قريبها من 8 سنوات ولا تنجب لان عندها مشكلة بالرحم 3. عندها مشكلة في القلب لا اتذكرها 4. عندها روماتيزم - احد فقرات العمود الفقري ضاغطة وفيها الام فظيعة 5. عندها هشاشة عظام ونسبة الكالسيوم في دمها مرتفعة فقالولها انه ممكن عظمك بيدوب في الدم  6. يعني المخلوقة بتجر حالها جر على الدوام - والشركة مشغلاها لانها ذكية جدا جدا - الاولى في سنتها على الجامعة الاردنية صيدلة - ويوم بتيجي و 10 لا من كتر المرض 7. اه - كمان عندها كتلة مجهولة فوق الكبد وكانت محددة لها صورة يوم الثلاثاء الماضي لانه الدكاترة مش قادرين ياخدوا منها خزعة خايفين تكون كيس دم وتنفجر او ورم خبيث او الله اعلم - المهم بدهم صورة مشان يعرفوا من وين يبدوا 8. عندها فشل كلوي طبعا لما اختي حكت لي عنها انا تدمرت وضلت ببالي هالمخلوقة - ادعيلها الله يشفيها ويكون بعونها ويعوضها يا رب وان شاء الله بتكون نتيجة الصورة خير.وامبارح سالت اختي عنها طلع عندها سرطان ليمفاوي وبدات فورا تتعالج كيماوي يا الله يا عازمة - شو بدي اقول لك - الله يعين العالم - يعني انا من شوية احمرار وحكة ما بنام الليل - وشوفي مصايب العالم المؤمن برضى بنصيبه - وبيصبر وهادي هي الدنيا الله يشفيها يا رب تشفي بنتي وترحمها برحمتك الواسعة يا رب العالمين يا رب تشفينا وتشفي بناتنا واولادنا وترحمنا برحمتك الواسعة امين يا رب العالمين
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
|
|
Powered by vBulletin V3.8.5. Copyright © 2005 - 2013, By Ali Madkour |
العرض المتطور
