رحلة ابنتي مع الاكزيما و رجائي من الله الشفاء

[nisreen1811]

حبيبتي عازمة
انا من رايك في الاعشاب ومزبوط انه الدكتورة زينة دارسة هادا الحكي و بتحكي من علم وهادا والله كتيييييييييييير مطمني والحمد لله
انا خوفي على اولادي مش طبيعي - والله لما كنت اشوف قرصة بعوضة في واحد اتنكد غير شكل - كيف بهالفطريات اللي مش قادرين نخلص منها
الله يفرجها علينا يا رب
انا بديت مع بنتي بالاعشاب والامور عادية - خصوصا انه بدت ترجع شوية حبوب حمرا ورجعت بنتي للحكة - يمكن لانه الكبسولات خلصت - وشكلها بنتي ما طابت
انا مستمرة والمراجعة يوم الاربعاء وبدي امشي في موضوع دكتور خاص وشاطر بدل هالتجارب مع الدكاترة اللي نص كم بلكي قدرنا نروح يا رب ونخلص -
وبعدين القرفة والميرمية والزنجبيل من اكلنا - وبناخدهم يوميا - الله يهدي البال.

الاخ الغالي سعيد
والله انا يا سعيد خفت شوي من كلام امي بس بعدين اقتنعت وبديت بالاعشاب - وكمان مستمرة على اللبن حسب توصية اخي العزيز وكمان الزنجبيل - يعني ان شاء الله بيكون النظام الجديد مدعم ومطور للنظام القديم
طيب يا سعيد عندي سؤال
هلا ممكن فطريات بنتي بالكورتزونات المنحوسة من شهر 6 لهلا تتحول لصدفية ؟
هادا السؤال بيقتلني وكتييييييييييييير خايفة من جوابه اللي شاكة انه يكون نعم
ووالله يا سعيد بنتي ما اخدت فرصتها بالعلاج عند دكتور فهمان يعني بروفيسور الجامعة شافها مرة واحدة والباقي اخصائيين جداد على الصنعة
وانا بين نارين
النار الاولى انسف كل الشغل القديم واروح (بصعوبة) لدكتور فهمان وابدا من الصفر - او الله اعلم شو يطلب اذا قدرت اروح اصلا
والنار الثانية استمر على تجارب وتخبيص الجامعة اللي مش عارفة ايمتى راح يقدروا يشخصوا - ويمكن يطلبوا الخزعة الاربعاء
شو اسوي يا سعيد شو اسوي يا عازمة

النظام الجديد:
كريم دكتاكورت مرتين و تريكسيرا بلس مرة حتى موعد المراجعة الاربعاء القادم 12/23

1. الميرمية حجم فنجان شاي مع شوية سكر مرتين بالاسبوع- الجمعة والاثنين
2. القرفة والخلنجان والقرنفل كل يوم حجم فنجان شاي مع شوية سكر مرتين باليوم - بعد الغداء وبعد العشاء
3. القرنفل والقرفة مع الطبيخ استعملهم اكثر
4. الدهان راح ادهنلها من شاي القرفة والقرنفل والخلنجان مرتين - يوجد حرقة وظهور لحبوب جديدة - الشفاء نزل الى 90%
5. الحمام يوميا بالصابونة نابلسية
6. اللبن الرائب والخضار والاكل الصحي واشغال وقت الفراغ بغير التلفزيون والرقيا
يا رب تشفي بنتي وترحمها برحمتك الواسعة يا رب العالمين
يا رب تشفينا وتشفي بناتنا واولادنا وترحمنا برحمتك الواسعة امين يا رب العالمين