اصابتي جديدة بالصدفية ...أريد المساعدة

[احساس زوجه]

بسم الله الرحمن الرحيم

معاك اختك احساس الصدفيه معاي من 8 سنوات

الموضوع جدن عادي وبسيط

الترطيب ثم الترطيب لا تدع لها فرصه ابدن للانتشار وانا انصحك بلدايفونكس لانه فيه فيتامين أ وانصحك بحبوب زيد كبد الحوت والاوميغا 3 خلها بالغرفه دايمن ولا تتركها لانها مفيده للجسم

واخر شي الاستحمام اليومي بالماء والملح واذا عندك مغطس او بانيو حط فيه ملح باليود وماء دافي حيل وارتاح واسترخي
وبعده بتلقى الاماكن صارت طريه حط الصابون المغربي الاصلي او الصابون التونسي بزيت الاركان يعني شغلات طبيعيه وفيها زيت الزيتون المرطب اللي بنحتاجه للقضاء عالجفاف لان الصدفيه تدور الجفاف لكي تكثر قشورها وتتراكم
بعد ما تحط الصابون افرك بليفه طريه مثل ليفه بودي شوب وافرك بالراحه عالقشور واوبعدها اغسل جسمك بالماي الدافي ابتعد عن الماي البارد
وبعد هالدوش علاطول حط المرطب عندك

1- الخلطه الدهيميه وبتلقاها بمنتدانا
2- فازلين جونسون
3- مرطب اسمه ليبوبيز ( نصيحه اخونا هجهوج الله يجزاه كل خير)

وقبل لا انسا

الدوش اليومي مهم وخصوصن اننا مقبلين عالشتا واتعرف الجفاف بالشتا
وانا شخصين افضل الدوش قبل النوم ومن ثم وضع المرطب والنوم
لا تدع المنطقه ابدن بدون مرطب واتعرف اقوى المرطبات اهو الفازلين فلك الخيار المنتدى مليان من الخلطات الطبيعيه والمفيده

اخوي انت بأول الاصابه لا تعطيها مجال للانتشار كافحها وانت بتلاحظ انها من ترطب مكان واتعالجه تطلع بمكان ثاني

ولا تنسا الدعاء بعد الصلاه وبعد الوتر وانا اختك

عسا الله يشفيك ولاعاد تشوفها مره ثانيه