بتمنى تساعدوني تعبت

[سارة 22]

السلام عليكم اخواتي

انا متزوجه وعندي ولدين الكبير 4 سنوات ونص والصغير سنتين
مشكلتي معهم انهم بتشاجرو طول النهار وما بسكتو بضلو يبكو ويضربو بعض


والكبير ما بسمع كلامي من مرة وبعادني كتير وهو الي بضرب اخو اكتر شي وبتحركش فيه

انا كتير حاولت احل هاي المشكله جربت كتير شغلات وسمعت كتير محاضرات عن اساليب تربيه الاطفال وحل مشكله الشجار وما زبطت معهم على الفاضي وكنت اعزل الي بضرب التاني بغرفتو بس كان بلاول يتاسف بعدين لما اجي ادخلو الغرفه يصير يضحك كاني بلعب معو
صرت اضطر اضربهم لانو اعصابي تعبت كتير صرت طول الوقت اصيح عليهم
اعصابي تعبت كتير منهم
مش عارفه شو اعمل استعملت اساليب كتير وزهقت من كتر ما دورت بلنت بس كمان ما جاب نتيجه
الي مقلقني اني بعد العيد هتبدا الجامعه وهاد اول فصل الي فيها وانا طبيعتي ما بعرف ادرس الى بهدوء تام يعني حفظ القران ما كنت اعرف احفظ منهم ازا كانو موجودين
وانتو عارفين الدراسه كم بتاخد وقت
مش عارفه شو اعمل انصحوني بطرق مفيده وتجيب نتيجه

يا ريت الاقي حل وبتمنى تساعدوني