علاج الصدفيه سريع المفعول -انسوا اي خلطات او ادويه تانيه

[سارة 22]

السلام عليكم ورحمه الله وبركاته

اخواني واخواتي هاد دهون فعال جدا للصدفيه انا استخدمتو بس خلال خمس ايام راحت الصدفيه وما بانلها اي اثر وهو مجرب على اشخاص كتيرهو مريح وسريع الفعاليه يعني انا جربت خلطات كتير وادويه كتير بس ما كنت الاقي اي نتيجه وما كانت تروح الصدفيه
وانتو بتعرفو اديه الواحد بزهق من كتر التجارب وبلاخص لما ما يلاقي نتيجه
انا دخلت بلمنتدى وقرات كتير تجارب وقرات كتير ادويه مستخدمينها كلها بتكلف كتير وفي شي الو اثار جانبيه بعد استخدام العلاج

انا حسيت كتير بمعاناتكم لاني مصدفه متلكم وحبيت انزللكم هاد الدهون لانو بيعطي نتيجه سريعه بس خلال ايام يعني ما راح تلاقو صدفيه بجسمكم بعد استخدامو
بس حابه انبهكم لشغله هو مو علاج نهائي الها بس المدامومه على استخدامو كتير بتخفف منها ويمكن تطول لترجع

متل ما قلتلكم هاد الدواء صيني المصدر
واسمو من الصينيه الى الانجليزيه متل مو مكتوب على علبتو
LIKANGSHUANG

وهادي صورة للعلبه الخارجيه للدواء

وهي صورة للعلبه


وهاي صورة للدواء داخل العلبه

متل ما انتو شايفين العلبه كتير صغيرة يعني ما بتكفي علبه وحده للشخص
وطبعا حسب الصدفيه الموجوده عند الشخص ان كانت كتير منتشرة بجسمو بحتاج علب اكتر

طريقه استخدام الدواء :

اولا يجب استخدام الدهون على نظافه يعني الاغتسال قبل الدهن
وبعدين بندهن منو على المناطق المصابه بلصدفيه
وبنتركو على الجسم اطول فترة ممكنه ومن ثم نغتسل ونفرك اثناء الاغتسال الصدفيه بلفيفه الحمام جيدا وننشف امكان الصدفيه جيدا بلمنشفه ونتعرض للشمش مده نصف ساعه يوميا
ويجب المداومه يوميا على الدهن حتى بعد ذهاب الصدفيه يجب ان نستمر بلدهن ثم بعد ذهابها نهائيا من الجسم ندهن كل فترة وفترة وازا ظهرت اي حبه جديده ندهن على طول
قد تذهب بعض الحبوب قبل الاخرى وذلك حسب موضعها بلجسم لكن المهم الاستمرار على الدهن وستذهب كل الحبوب، فصدفيه الوجه والراس تذهب سريعا وبعد ذلك الصدفيه بلجسم -الايدين والرجلين والبطن والظهر _اما صدفيه المفاصل تاخذ وقت اطول (لان الصدفيه تتمركز على المفاصل )
اقل شي لازم نستخدم 30 علبه للشخص حتى تذهب الصدفيه جيدا وطبعا ازا كانت منتشرة بشكل كتير كبير يحتاج الشخص الى علب اكتر

والدواء مكون من الاعشاب وما بحتوي على الكرتزون

واذا اردنا نتيجه افضل يفضل عمل حجامه قبل استخدام الدواء وبعد عمل الحجامه ندهن على طول منو على الصدفيه ويفضل عمل الحجامه بلمناطق المصابه بللصدفيه لنتيجه افضل
وانا بنصح الكل يعمل الحجامه كتير مفيده

سعر العلبه 8 شيكل(العمله الفلسطينيه) او بلدولار تقريبا لاني ما بعرف كم يساوي الدولار اليوم 2 دولار او يمكن اقل بشوي او اكتر بشوي حسب سعر الدولار
لكن بضل سعرو بلنسبه لفاعليتو كتير رخيص وارخص من الابر والعلاجات الي بستخدموها كتير

وحابه احكيلكم انو مفيد لكتير شغلات غير الصدفيه متل حساسيه الجسم واي التهاب بلجلد واي حبوب بتظهر على الجلد وهاد الشي مجرب

حتى بظن يمكن يفيد الي معهم اكزيما يجربو ما بخسرو شي

بنصحكم تجربو وباسرع وقت وانسو الخلطات واي علاج تاني لانو ما راح يفيد متل هاد الدواء وراح تهدروا اموالكم على الفاضي فيها

وحابه احكيلكم انو سبب الصدفيه خوفه او نتيجه التعرض لضغط نفسي كبير
و90%من العلاج الراحه النفسيه ونسيان المسبب وعدم التفكير فيه او باي مشكله قد تؤثر على نفسيتنا

الدواء متوفر بلصيدليات الصينيه

وبتمنى الكل يحصل عليه ويارب يشفي جميع المرضى