الصدفية ،، علاج غذائي ممتاز وفعال

[مصدكوف]

المشاركة الأصلية كتبت بواسطة المدربي

اولا مبارك عليكم الشهر والله يجعلنا من صوامة وقوامه ..

ما شاء الله عليك شلون فكرت تجرب هالعصير وايش الاسباب ..؟
وبأذن الله انا ناوي اجربه ..

انا الان ما عندي الا مناطق قليله الي هي الراس والركبتين والاذان ..
والله ينفع فيه ..

وابلغكم بالنتائج ان شاء الله دعواتكم

..

كل عام والجميع بخير

وشلون فكرت ؟؟؟ يوم مريت الطبيب عطاني دايفونكس للجسم وقطرة للرأس

قلت : تبغاني ادهن كل جسمي بالمرهم ؟؟

قال : ادري انك مو مقتنع بس ما عندنا غير كذا

قلت : واضح إن المشكلة داخلية وأنت تعالج الأثر

قال : ما عندنا غير تحليل دم ودمك زين

قلت دام ما عندكم سنع ندور غيركم وشكرا على تحليل الدم

بدأت رحلة التجارب داخل الجسم وخارجه واتجهت للطب البديل

في الحقيقة التجارب كثيرة حتى ام الجيران درت وصارت تطقطق علي .. واستعملت المرة ( شم وشرب وغسيل ( جيد للكفين ) )وغطست نفسي بورق حنا وجربت طين( غربة ) البحر الميت والفازلين النقي بعد الدش ( جيد ) وجربت حتى لواشن ملكات الجمال وزيت مقري عليه وووواسكت بس لا تكمل تراها

ذهبت وزميلي ( صدف قشري ) لأحد المتخصصين في الطب البديل وفتح عيوننا وقال انت هرمون وزميلك مناعة ؟؟؟ أنت فقط فيتامينات وزميلك يحتاج مرحلتين
صرف لي فيتامين أعشاب وزميلي مقوي مناعة وقال الوعد بعد اسبوعين
انا محلك سر وزميلي تهيجت عليه ورفض اكمال العلاج ورحت لحالي وصرف لي فيتامين سيلكا اوكي
بعدها باسبوع شافني واحد من اخوياي وقال وشو هذا كنت مرنقط وقال زميلي فيه حساسية ويشرب كذا وكذا ووصف لي ورحت وشريت
بعد اسبوع حسيت بالفرق .. وربطت السبب به وبالفيتامين واستمرت الحالة بالتحسن ولا زالت عند حد معين خلال 3 اسابيع وبندردبها لآخر الشهر الكريم ان شاء الله

جايب العفش لزميلي بس لهالحين ماجرب

يقولون عندهم فيتامين خذ على دربك وش وراك وقريت إن عندهم معجون سحري حق كل شيء خذه دامها خربانه وحاول تطلع على باقي المنتجات

ملاحظة .. هذا ما أحسست أنه السبب .. وعسى ما يكون وهم