مع الصدفيه 27 عاماً علاجاً ودواءاً

[جودينا]

احلى الفصول لك مستقبل في مجال التدريس ماشالله تعرف تشرح زين

سالفه الجو شجعتني بس سالفه الرجال اللي في العقبي بتخليني افكر بالموضوع اكثير
انا صدفيتي بالاطراف كفين وقدمين والحين متحسنين اكثير لأني ادهنهم باللوريد المخفف بالفازلين بس بعد في مناطق ما استجابت,,,عموعا صدفيه الاطراف صعبه اكثر عن غيرها وماتستجيب بسرعه,,,اذكر المرا الاولى وحده قالت لي ليش تجين هنا كل يوم قلت عندي صدفيه ولمن شافتها قعدت تضحك تقول ذي شوي ليش مهتمه فيها كلها عشرين يوم بالكثير وتختفي وهي كانت صدفيتها كثير ولمن جينا رايحين ,,قبل رمضان كل المصدفين يرجعون,, كانت نسبه تحسنها فوق ال75% ماشالله وانا تقريبا 30% رغم انها جات بعدي وصدفيتها اكثر,,,هذا يدل ان الناس اللي صدفيتهم منتشره البحر يأثر فيها بشكل سريييع والناس اللي صدفيتهم بس في الاطراف يحتاجون وقت اكثر وطولت بال

بالنسبه للجو اخاف من اخر شوال بيكون الجو برد انا لمن رحت المرا اللي فاتت الايام الاخيره قبل رمضان كان الجو بارد فكنت الصبح ادخل بالتدريج احس المويه البارده تكهربني تعرف مو متعودين بالبرد اجوائنا دايما صيف على مدار السنه

اما الاكل أنا أأمن بأن الأكل له دور اكبير في تحسن الصدفيه او هيجانها ,,,ولو تطبق البرنامج اللي ذكرته اثناء العلاج في سفاجا افضل من انك تطبقه بعد ماترجع
عموما راح اسال واستخير واذا الله راد بروح في شوال اول اسبوعين اجازه وثاني اسبوعين باخذها غياب عن الدراسه والله يسهل

مشكور وربي يشفينا واياك وكل المصدفين