استفسار بخصوص هذا الشامبو ..

[المدربي]

بسم الله الرحمن الرحيم ..

السلام عليكم جميعاً ..
جمعه مباركه على الجميع ان شاء الله
شلون الجميع ..؟ ان شاء الله تكونون بصحه وبعافيه ..

يالربع ابي اسألكم عن شامبو اسمه أفورال AVORAL هل فيه كرتيزون ولا لا ..؟

لأني اشوف مكتوب عليه ماده اسمها قريب من اسامي هالكرتيزون اسمها كيتوكونازول الصيدلي يقول هذي مضاد للفطريات بس ما ينوثق فيهم من كثر هالادويه الي عندهم اخاف يخربطون .
فما ادري افيدونا بخبرتكم

مع العلم انا الصراحه استخدمته مرتين قشع القشره قشع من الشعر وريحني الصراحه ولطيف للصدفيه ..

وابشركم الامور مستقره عندي والصدفيه الحمد لله اختفت الا في 5% من جسمي والان خطيت خطوات كبيره وما باقي الا القليل لأختفائها بأذن الله ..
طبعاً هذا بفضل الله سبحانه ومن ثم خلطة الدهيمية وحبوب الاوميقا 3 ..

وفي الاخير هذي صوره للشامبو .



والف الف شكر لكم والعذر على الاطاله

دمتم في رعاية الله

..