نوعية الاكل والمشروبات مع وقت العلاج بأستخدام خلطة الدهيمية

[سيد الغد]

:
:
:
:
:

اول شي احب اشكر القائمين على هذا المنتدى الرائع من ادارة ومشرفين واعضاء

لن الواحد استفاد كثير من معلومات وادوية عن صديقي الدائم مرض الصدفية اللي وين ما اروح وهو معاي من 20 سنة

ومافي دكتور ولا مستشفى ولا طبيب شعبي ما شاف وجهي حتى بالفترة الاخير صار عندي متعة اني اروح لمختلف المستشفيات وازور اطباء الجلدية علشان اتفلسف على اي واحد يقول علاج الصدفية موجود عندي وكل دكتور يوصف لي علاج اقول له استخدمته هات شي جديد ومفيد وانا ادري ان ما عندهم سالفه ولهم الرغبة يقولون الصدفية مالها علاج بس يخافون من تحطيم المريض

ما اطول عليكم

انا الان استخدم خلطة الدهيمية واضفت عليها خل تفاح

واستخدم حبوب اوميجا 3 حبة في اليوم

لكن الحمدلله اشوف في تحسن بس بطيء وماعندي اي مشكلة اللي صبر 20 سنة يصبر 19 سنة

سؤاااالي ؟؟؟

اللي ابيه منك تنصحوني بالابتعاد عن بعض المأكولات والمشروبات اللي ممكن تأثر على العلاج

لآن بصراحة ما اتبع اي حمية غذائية واللي قدامي اكلة لان عندي الوالدة الله لا يحرمني منها كل يوم مسوية لنا اكل جديد من برامج الطبخ والضاهر ناويه تألف كتاب

يعني حمية غذائية مفيدة استفيد منها ويستفد كل الاخوان المصابيين بالصدفية

تحياتي للجميع

على فكرة انا كنت اشتغل في اكبر مستشفيات السعودية بالمنطقى الوسطى في قسم العناية المركزة ويوم كنت اشوف المرضى بين الحياة والموت اقول الحمدلله على كل حال لان في مرضى تتمنى تكون عندها صدفية ولا تلقى علاج
ولا عايش على جهاز تنفسي او ميت دماغياً

الله يشفينا ويشفى مرضى المسلمين

سيد الغد