ارجو مساعدتي بخصوص الصدفيه

[سارة 22]

السلام عليكم ورحمه الله وبركاته
انا بعاني من الصدفيه من فترة طويله هي مو كتيرة بجسمي بس ما بتروح
اول ما طلعتلي رحت لدكتور جلد واعطاني دوا وكنت ادهن منو بس للاسف ازا كنت ما ادهن يوم ترجع او ازا كانت تروح بعد ما ادههنها بعد فترة ترجع
اعرفت انو الدوا هاد بحتوي على كرتزون
بعدها استخدمت دوا كان جاي من الصين استخدمو شخص وشفي منها هاد الدوا من الاعشاب بس خفت عندي وبعضها راح بس بعد فترة رجعت
ورحت على صيدلاني بعمل دوا من الاعشاب واخدت منو ونفس شي تروح وتعادود ترجع بعد فترة
مليت من الادويه
فقررت اشوف شي من النت لعلاجها وفعلا دورت بلنت على وصفات مجربه لعلاج الصدفيه فلقيت اكتر من وصفه
لاحظت وصفه كتير موجودة بلنت هي عبارة عن زيت بزرة الكتان وزيت زهرة البابونج وفازلين الاصلي
قلت بدي اجرب وفعلا شريت المواد من عند العطار وبديت استعملها بس للاسف بعد يومين من استخدامها صار لونها كتير احمر وظهرت كتير كان من قبل لونها مش مبين كتير وبعد كم يوم بدل ما تروح صارت تكبر الحبه وما راح منها شي
اكتر شي طالعلي بوجهي بجبيني فاي حد بشوفني بفكر اني محروقه
مش عارفه شو اعمل قلت يمكن هاد بلبدايه وبتروح هلا صارلي اكتر من اسبوعين بستعملها قلت بدي اوقف استخدامها
انا بحط كميات متساويه من الزيوت والفازلين بحط منو شويه حتى يصبح متل المرهم وبدهن منو مرة او مرتين بليوم هيك قرات بلنت
كتير بشعتلي وجهي وكمان شهر عرس اختي ما بدي يضل وجهي هيك

يا ريت اي حد بعرف شي عنها يفيدني او حتى بعرف حد استخدم هلوصفه
بتمنى تساعدوني وجزاكم الله خيرا