الياف الصدر/ الثدى : الملف الكامل عن التشخيص و العلاج

[كل الاسامي فيه]

صباح الخير دكتور
..
الله يجزاك كل خير يارب ..
اول شي انا عمري 19 سنه كان وزني 55 وبعدين نحفت الى 45
قبل سنه ونص جاني ورم ليفي في الثدي الايمن كان 3 سم وبعدها علي طول شلته بالجراحه
كان فيه ورمه بالثدي الايسر لكنها كبرت صارت 1 سم ونص
ورحت الدكتور قبل اسبوع ماعمل لي اي شي فقط كشف باللمس وقالي عمليه
ولا حتي ذكر لي ابره الماموتوم او اي حاجه مع العلم انه بروفسور جراحة
..
انا اشوف انك تنصح المريضات يطنشون لكن في حاله انها تكبر اعتقد يحتاج تدخل
هل الافضل العمليه ام الابره الماموتوم..؟يعني امنه وكل شي تمام.. ولا العمليه تشيل كل اجزاء الورم ؟
وبعدين بسالك هل هذه الابره جديده يعني مو بكل المستشفيات .. وهل استخدمتوها بكثير من الناس يعني ؟؟
..
وفيه سؤال كمان
اللحين سمعت ان هذا الورم يزيد بالحمل والرضاعه وكذا؟؟ هل هذا صحيح؟؟
صرت احس بوخزات الم هالفتره هل هو طبيعي ؟؟ وانا ماني متاكده انه الم حقيقي يمكن مع الهواجيس والتفكير
لكن الالم يزيد في فتره قبل الدورة الشهريه كثير
..
هل ممكن نكون اكثر عرضه للاصابه بامراض لاقدر الله او ماله علاقه
لان الدكتور يقولي ان طبيعه الثدي عندي هي اللي تطلع هالاورام
..
انا خايفه من العمليه لكونها بتكون بجنب القلب .. مدري متوتره .. وعندي مشكله التنفس صعبه شوي ماتنفس الا من الفم
..
مدري قريت في موقع اجنبي عن احتباس المياه في الجسم انه مو كويس عشانه .. وان اللي فيها تخفف قهوه واكل دهون وتكثر خضار وفواكه وكذا وتلبس حمالات صدر قويه .. مدري هل الكلام صحيح او انا اقرا واترجم خطا وماله علاقه بالموضوع

انتظر ردك ..
ويارب مانكون ازعجناك
وشكرا كثييييير