أنا لاززم أتغير

[شاب مصرى]

اكيد فى وقت هيجى عليك وتقول انا لازم أتغير وفى نفس الوقت هتلاقى واحد بيقولك
تتغير هو انت كدا مش كويس؟
اعذره واسمحلى أقوله ان مش لازم الواحد يبقى وحش علشان يتغير ممكن يكون الانسان كويس واخلاقه كويسة وسلبي مثلا يبقى الواحد منا لازم يتغير للأحسن
مثلا اللى مش بيصلى ويقول انا قلبى ابيض والاذان بيأذن وهو ولاهمه 000اكيد دا لازم يتغير.
واللى مش حاسس ان فى مسلمين فى فلسطسن بيجاهدوا ضد الصهاينة اعدائنا وهو
ولافى الدماغ زى اللى قعد حنبك وانت بتقرأ الاخبار فى الجرنال وقالك (اقلب يا نجم على الرياضة الحا جات دى مش جايبه همها بلاش تتعب نفسك وتتعبنا معاك)ده لازم يتغير.
اقولك كمان على حاجة افظع ؟ اللى قاعد فى مصر ومش حاسس باللى بيجرى فيها حصل ايه امبارح وهيحصل ايه بكره واهم حاجة عنده متابعة ماتشات المنتخب ولما تسألهمصر فيها كام حزب يقولك بلاش تدخل فى السياسة ياعم الكتكوت مش عايزين
نتشد خلينا فى حالنا ياعم انا مليش فى الحوار دا اكيد ده برده لازم يتغير .
تقولى أغير ايه؟
اقولك انت تعرف نفسك اكثر من اى احد علشان كده لازم تحدد سلبياتك وتلغيها وايجابيتك وتنميها خليك رجل يقول انا هتغير ويتغير فعلا مش زى اللى بيقول هبطل السجاير بس دى اخر سيجارة-يأخى ماترميها وريحنا .
بقولك ايه كمان عايزك تواجه الحياة وبلاش تدور على اقرب شماعة فاضية تعلق عليها مشاكلك.
تعرف بعد ماتتغير هتحس باحساس جميل غريب وسعاتهاهقولك وانت بتفرك عينك (ايه دا مين اللى نور النور)وهتفرح جدا لما تعرف انك بنفسك اللى نورت النور وأضأت الطريق وهتحس بقيمة نفسك وهتبقى دى أول خطوة على طريق الثقة فى النفس انك عرفت انك بتعرف تنور النور وانك بتعرف تتغير.