طلب خاص

[ام الحلوه]

انا عن نفسي رحت مرتين وراحت الصدفيه مني تماما ولكن رجعت تاني اول ما طبيت جده لأني لم اجلس مده كافيه والله اعلم هل هذا السبب او ...ان من الطبيعي ان الصدفيه ترجع تاني..ولكن لو سألتيني هل اسافر سفاجا تاني اقولك نعم احب اروح لان الصدفيه بتخف هناك ...واهم شي انتي لو رحتي حتروحي مع مين؟؟ لازم احد ما ينكد عليكي ولا يشغلك عن العلاج لان الراحه النفسيه اهم شي انا عن نفسي رحت مع جدتي فقط..لا احد نكد عليه ولا احد شغلني ..

لمن كنت هناك كان في ناس ما راحت الصدفيه منها ..انا اعتقد بخبرتي البسيطه ان الا صدفيته عباره عن نقط منتشره وبعيده عن بعض هذه احيانا صعب انها تروح بسرعه ..

والا صدفيته عباره عن بطش كبير جدا جدا يعني عباره عن بقعه واحده كبيرررررررررره وتغطي الجسم كله (زي ام الحلوه)هذه تروح بسرعه والحمدلله..
وبرضه كان في ناس صدفيتهم التهبت من الشمس والدكتور منعهم من التشميس وصار علاجهم بس بحر ...

يعني كل شخص يختلف عن التاني..

وبرضه كان في ناس واقسم بالله انه مافي في جسمها ولا شي ولا نقطه ولا حاجه واول ما البنت فصخت ونزلت البحر قلت في قلبي اشبها الهبله دي ايش جايبها ما شاء الله ما فيها شي... وانا يا عيني عليا جسمي خريطة العالم وطبعا اللقافه ذبحتني وسألتها ايش جايبك قالت لي الصدفيه قلت لها فينها ؟وعيوني حتخرج من مكانها ..قالت لي انها كانت اكتر مني بألف مره واول ما جات سفاجا وجلست مده كافيه والحمدلله راحت منها الصدفيه وصارت تيجي كل سنه وقاااااااااااااااااااايه فقط..
انشاء الله اكون افدتك يا ام الفرفوره اذا عندك اي سؤال اسألي...