أسهل واسرع والذ ورق عنب وصل بالصوره بس 20 دقيقة

[ريحانة دار الشفاء]

أسهل واسرع والذ ورق عنب وصل بالصوره بس 20 دقيقة

علبة ورق عنب وافضل شي بالنسبه لي العلالي



الحشوه وهي عباره عن / رز مصري مسلوق نص استواء / بقدونس مفروم / طماطم مقطع مكعبات صغار / بصل مقطع صغار /نعناع طازه مفروم او يابس / والتتبيله ملح/وملح ليمون/زيت زيتون/ بهارات /فلفل اسود/بصراحه انا مااتقيد بمقادير معينه حسب النظر والطعم وتقلب وتطلع به الشكل


ونبد عملية لف ورق العنب بالاله وهذا بعد مالفيتها



انا بصراحه كنت ناويه افرزنها بس بنيتي الله يهديها اصرت الا اسويلها وبصراحه سويت كم حبه علشانها والباقي فرزنته علشان عندي مناسبه بعد كم يوم
تاخذين ورق العنب الملفوف وتصفينه بشبك القدر صف عادي


بعدين تحطين بالقدر مويه عاديه لحد الربع وتحطينه على النار وتحطين الشبك في وسط القدر طبعاً يكون له مكان لتثبيته



وترشين عليه كاس مويه وحبتين ماجي مخلوطه مع بعض



بس انا حطيت نص كاس وحبة ماجي لان الكميه قليله مره ذواقه لبنتي



وتسكرين القدر وتخلين القدر على النار العاليه لحد ما تسمعين الصفيره بعدها وطي على النار وبس بعد 20 او 30 دقيقه


افتحي القدر وتمتعي باحلى ورق عنب صحي وسريع





والف صحة وعافية