الصـدفيه والزواج ..!!( فضفضه + دعوه للنقاش )

[الحايره]

السلام عليكم اخي العزيز خويلد
مادري ليه الكل في هذا الموضوع يرفض الواقع ترى زي مافيه ازواج متمسكين بزوجاتهم ومع انهم مصدفين فيه زوجات متمسكين بازواجهم ودائما الحرمه هي اللي تصبر اكثر من الرجل
وبما اني عايشت هذا الموضوع وكانت الصدفيه سبب طلاقي لا اتمنى ابدا ان ارتبط برجل سليم
لان التجريح والنظرات المشمئزه تقتل من الداخل والله ياخواني صدقوني هذا هو الواقع ولازم مناقشة الموضوع من جميع الجوانب دائما الرجل او الحرمه المريضه تحس بالنقص وتبحث عن الراحه النفسيه
قولولي اي راحه مع انسان لايتقبل جسدك لانه مشوه
بس اعتقد اذا كانوا الاثنين مصدفين لن يخجل احد من الاخر بالعكس بيتعاونون على العلاج وكل واحد بيحس بالثاني اكثر
بغض النظر عن ان تكون اولى او ثانيه اهم شي الاستمرار بعقلانيه وراحه
انصح كل من هاجم الاخ خويلد على هذا الموضوع يعيش ايام مع مصدوفين ويشوف احوالهم
فيه مصدف يخطب اكثر من 4 بنات يرفضونه لانه مصدف كيف بتكون نفسيته
فيه مصدفه تتردد من الزواج خوفا من العريس يوصله خبر انها مصدفه
وفيه مصدف يخبي صدفيته لايشوفونها اهله ويتعذبون عليه
وفي عز الحر نلبس جاكيتات نخبي صدفيتنا وين نفسيتنا الحلوه
وفيه مصدفه الحايره يتخلى عنها زوجها واب اولادها لانها صارت من المصدوفين
لاتقولون مافيه والله كل المصدوفين يذوقون المر من المرض
صبر جميل والله المستعان
اعذروني ولكن هذا واقعنا