حصل معاك موقف طريف.......... تعالى واحكيلنا عليه.

سحر على · #3 24-07-2009, 03:33 AM

السلام عليكم ورحمة الله وبركاته
حبيبة قلبى ...ميمى
أولا تعالى أنا وأنت ناخد تصريح من مشرفنا الكريم .....د.وليد نوح باستخدام العامية فى هذا الموضوع
يارب يسمحلنا .....
بس حلوة السوبرماركتات.......دى جمع تكسير صح
ثانيا الموقف اللى حصل معاكى ومع أمى الغالية...... صحيح هو جزء من واقعنا الحالى
نسأل الله الهداية لنا وللمسلمين.
أسعدنى أن كنت أول المشاركين أخيتى الحبيبة
الله يسعدك وينور دربك
.......
أما دورى فأنا كمان ححكى أخر موقف حدث معايا وبلاش ضفادع
بسم الله .....
أمى الغالية عندها مروحة صغيرة ظريفة عزيزة عليها بس أكيد مش أعز منى
المروحة دى بتعطل كل يوم تقريبا......الحمد لله.
المهم أخر مرة ماما راحت لتصليحها رجعت غضبانة منى جدا ودخلت من الباب وبدأت بقولها:أنت اللى"يعنى أختكم سحر" وقعتيهاعلشان كدا عطلت طبعا أنا بريئة بس ابقوا قابلونى بقى لو حد صدق..ما هو مفيش غيرى يبقى أكيد أنا
تفتكروا حتعملوا ايه لو كنتوا مكانى
فى وسط غضب أمى الغالية استوقفتها بقولى :ماما هو قالك سحر وقعتها ...قوليلى يا ماما قال سحر ....يااااااااااه دا أنا بقيت مشهورة قوى
وهنا بدأت أمى فى الضحك وقالت لى :يا شيخة هو يعرف سحر برده....
وهنا ظهرت برائتى....الحمد لله الذى جعلنى سببا فى رسم البسمة على وجه أمى الغالية
اللهم أعنى على برها والاحسان اليها ....اللهم امييين.
بانتظار المواقف الطريفة لأهل الشفاء الطيبين
فى حمى الرحمن

الذين يشاهدون محتوى الموضوع الآن : 1 ( الأعضاء 0 والزوار 1)

🤍 قناة "وَشِفَاءٌ لِّمَا فِي الصُّدُورِ" 🤍