ارجو الاجابة السريعة لأنني بصراحة محتارة !!!

[ام محمد الحارث]

ابي احكيلكم قصتي باختصار...... انا الان بالشهر الخامس ومن الشهر الثالث وانا اعاني من غازات فظيعة وتهيج مو طبيعي في القولون لدرجة ماينومني بالليل ولا يريحني بالنهار ، حتى انه اول مرة جاتني مثل هذي الالام رحت للمستشفى احسبه تسمم، ولكن مااحد عرف اللي فيني لحد لما وصلت الشهر الخامس وكان الالم في اعلى السرة يقطع بطني ومااوصفلكم كيف كانت الالام والله اني مااتمناها لللعدو من شدة ماعانيت من الالام وانتفاخات واسهال حاد، وفي المرة الاخيرة رحت للمستشفى وقلتلهم والله والله مأطلع من هنا الا لما تشوفوا اش فيني اتصرفوا انتو عاد، وكنت قبلها بكم يوم عندهم نص الليل بالطوارئ وفحصوا الدم والبراز ( وانتو بكرامة) قالو مافي شي، المهم اخر مرة قلتلهم مافي شي اسمه مافيني شي!!!!!!
انا مارح اطلع من هنا الا اعرف هالالام من ايش؟ ومن دكتورة النساء حقتي لدكتور الباطنية حولوني على الالترا ساوند المطور وكان عندهم شك انه معايا حصوة في المرارة لكن المفاجأة كانت انه مافيني شي، المرارة سليمة ومافي اي شي يثير الانتباه في بطني غير بنتي الضئيلة الحجم في بطني من قلة الاكل
مااطول عليكم النتيجة كانت............... تهيج شديد بالقولون............
طبعا اعطوني قائمة طويلة عريضة من الاكل الممنوع واللي يهيج القولون (كأني كنت ناقصة)؟؟؟
المهم ارتحت شوي عل الاقل عرفت اش فيني، ولكن المصيبة الكبيرة اني حتى مع الاكل المسلوق برضوا تجيني الالام وان كانت اقل حدة (ياربيييييييييي والله تعبت)
صرت مااكل الا رز ومسلوق خضار وبرضوا انتفاخات، قالولي كمون وقالولي يانسون ونعناع وقالولي شاي اخضر وقالو وقالو وقالو وانا موفايد معي اي شي، وعشت بعذاب لايطاق
الين الله هداني وبعد الاصرار بالدعاء الى خلطة بعد الله هي اللي ريحتني
ولله الحمد والشكر والمنة والفضل وبعد معاناة طووووويلة مع الالام لدرجة كرهت نفسي وبيتي وعملي وانا امرأة عاملة وعندي زوج وطفل عمره 3سنوات محتاج رعايتي ، ولله الحمد لقيت الحل
خلطة اعشاب طبيعية الا وهي
ملعقة من الشمر، ملعقة من اليانسون، ملعقة من الكراوية، ملعقة من البابونج وشوية نعناع ويحلى بسكر النبات لانه سهل الهضم ويغلى في كأس ماء لمدة 5-10 دقائق ويصفى ويشرب بعد اي وجبة
والنتيجة: اللهم لك الحمد ولك الشكر زالت الالام والانتفاخات والاسهال المصاحب لتهيج القولون وصارت اعصابي مررتاحة حتى اهلي وزوجي لاحظوا التغيير علي صرت مروقة بعد ماكنت ااااخ واااااه
السؤال المهم الان للدكتور الفاضل
هل هذه الاعشاب الطبيعية مالها اي تأثير سلبي عل الحمل؟؟
ارجو الاجابة السريعة لأنني بصراحة محتارة !!!
وجزاكم الله خير