فارس احلامي...

[دعوة الاخوان]

فتى احلامى عايزاه يكون طول بعرض ... ويكون جنينه او بستان مليان بالورد
ويكون حبى ليه عليه فرض



وانا عايزاه جميل وطيب ... عايزاه دايما منـــى قريب
ولا يوم يتعب القلب ويغلب



وانا عايزاه يكون مقطع السمكه وديلها ... ولو عرف واحده تانيه هقتله وهقتلهــــــا
المهم يكون معايا واى حاجه يطلبها هعملها



وانا عايزاه يكون زى الخاتم فـ صباعى ... وعايزاه لما أأمر يقول تطــــــــاعى
عايزاه يحب لؤايا ويكره وداعى



وانا عايزاه عالم بدينه ويعرف ربه ... عــــــايزاه يبنى بيت بحنانه وحبه
ويخاف عليه بعمره وقلبه



وانا عايزاه اى راجل وخلاص ... اهـــــــى اى حياه زى كل الناس
وضل راجل ولا ضل حيطه بألف اساس



وانا عايزاه يكون دايما بطل ... يحب الجهــــــــــــاد والعمــــــــــل
لا ينكسر جواه الخير ولا يموت الامل



وانا عايزاه يجرى ورايا لو حتى للمريخ ... ولا يسأل فـ يــــــــــوم على اكل ولا طبيخ
ولا يسأل النهارده ايه ولا كام التاريخ



وانا عايزاه يكون فـــــرى ... واى شىء اشاور عليه يشتريه
وعايزه لما ازعله بنظره منى ارضيه



وانا عــــايزاه مثقف ... يفهمنى من كلمه لو يعرف
ويا ويله لو يوم نسينى او خرّف



وانا عايزاه يكون ثقه وتفاؤل ... ويكون تقيل كده . وعـــــــاقل
ويكون هادى جدا ومش بتاع مشاكل



وانا عايزاه لو الاكل مشطشط ... ياكله مـــن غير مــــا يقوم يتنطط
ولا يقول الاكله حــــــــــــراقه ... ولا نصبح ونتمسى كل يوم بخناقه




وفاضل فتاه اخيره
قالت كلمات تحمل معانى كثيره
......................................
وقالت انا عايزاه يكون محب لله وللرسول بجنون
وعرف حقوقى . ويحترم ذاتى وذوقى
ويكون نعم الاب . هادىء وطيب القلب
عايزاه يتحمل لو انا مقدرتش اكمل

ياخد باديا ويمسح دموع عنيا
يعلمنى .. يفهمنى .. يسامحنى فى اخطائى
ويشعرنى دائما بكيانى ويسمع ارائى
وان اشتد البرد يكون هو فرشى وغطائى

............. هذا هو فتى احلامى ..............