فوووول مو طبيعي مذاق يجنن

[بسمـــة]

حبيت اقدم لكم طبق الفول الي كل من ذاقه سال عن طريقته والله ونا جالسه اكتبه لكم اتصلت بنت خالتي تبي طريقته قلت كنك حاسه اني ابي انزله في المنتدى

المهم خلوني اوريكم الصوره اول وبعدين المقادير والطريقه

المقادير :
بصله متوسطه مقطعه مكعبات صغير +ثوم مهروس حسب الرغبه

بصل اخضر يعني 3اعواد+كزبره 3ملاعق حسب الرغبه

طماطه كبيره او 2متوسطه الحجم مطحونه

ملعقه كبيره صلصة طماط

ملعقه كبيره كمون وشوي فلفل اسود ومكعب ماجي وشوي بهارات وشوي ملح (هذا بعدين حطيه اذا شفتي انه يحتاج ملح)
نصف كوب ماء
علبة فول مدمس وممكن علبتين

زيت زيتون او سمن او زبده او زيت

زيت زيتون عشان نصبه فوق الفول بعدين


والسر في طعم الفول 2او 3ملاعق طحينه سايله





الطريقه

#اول نسخن الزيت او السمن او الزبده او زيت الزيتون

#نضيف الثوم اولا اول مايتغير لونه نضيف البصل وهذ سر النكهه بعد

#نضيف صلصة الطماط ونقلبها شوي ونضيف عليها التوابل

#نضيف الكزبره والبصل الخضر

#وبعدين نضيف الطماط المعصور ونتركها تتسبك ونضيف الماء والفول الفول حسب الرغبه ممكن تتركونه زي ماهو وممكن تهرسون او تتطحنونه مره


قبل انطفي عليه النار نضيف الطحينه ونقلبه على النار شوي ونطفي النار

#نسكبه في صحن التقديم ونزينه بالبقدونس او الكزبره اوزيت الزيتون وممكن نصب عليه شوي طحينه


واتمنى من الله ان يعجبكم زي مااعجب اهلي وجيراني وربعي وعليكم بالف هنا وعافيه


ملاحظه ممكن تسون نفس الطريق بالفول الصفر وممكن بعد تخلطون النوعين سواء ويعطيكم طعو ولا اروع