قصيدة(تذكرتك يا يبة )مسموعة

[رمش العين]

تذكرتك بعد موتك بكيتـك وإنكسـر رجـال

ونثرت بمجلسك حسره وقصيدة وجد لوصالك
أشيل من الحزن حملٍ تثاقـل تنقلـه أجيـال
وأنا ماينفطر قلبي كثر حزني علـى أمثالـك
أخايل طيفك بعيني وأنزلهـا قـدر وإجـلال
لأنك عايـش بقلبـي ورب الكعبـه لحالـك
ثلاث سنين من لحظةرحلت وحال مامن حال
أشوفك بس بأحلامي وتبكيني علـى فالـك
غيابك موتي يغيابك كأنه صيف دون ظـلال
أدور لك من الذكرى بقايا رسـوم لأطلالـك
رثيت الطيب من بعدك عسير وصار ماينطال
أحسه مات مع موتك بعد ماغابـت أفعالـك
أحس الأرض من تحتي تنافض يايبه زلـزال
وأقول الحزن مارافق بهالدنيا سوى عيالـك
بكت سجادتك فقـدة جبينـك كـل ماينهـال
بسجودٍ طابع الهامه علامه لطيّب أعمالـك
ليامن صوت نجرٍ دق أحـس بدقتـه مـوال
أجيك أركض أحسب إنك تبي من يغسل دلالك
رحلت وكل ماباقي حكايا تنضـرب بأمثـال
وقصايد كل من حبك حزينه حيـل ترثالـك
تذكرتك كثر نـورٍ يشـع بوجهـك ويختـال
تذكرتك كثر ناسٍ نسـوك وكانـوا رجالـك
تذكرتك كثر نـاسٍ رفعتـه للنجـوم وطـال
وأشوفه من بعد موتك تنكّر فزعـة عقالـك
لك الله مابكاك إلا يتيم وكنـت راس المـال
بكى لين إنعمت عينه حزن لغياب مرسالـك
لك الله مافقدك إلا رفيـقٍ ظامـه الترحـال
تحدته الطغاة اللّي بموتـك خانـوا ظلالـك
لك الله يايبه مابه بعد موتـك بقايـا رجـال
أظن المرجله ماتت يتاج الـراس برحالـك
خذاك المـوت لكـن الوفـا ياسيـدي لازال
بقلبي وجعله الجلطه إذا هالقلـب موفالـك
كذا سوت بي الدنيا وكـذا سويتنـي تمثـال
لوأدري بدلّتك فرقـا فـلا جرّبـت فنجالـك