نفسي اقتنع .....مابي كلام مكرر........تعبت :(

[اعزوفة التمرد]

السلام عليكم ورحمة الله وبركاته
....................................

ذات يوم.. ذات مرة..
وبينما انا اتجول التفت هنا وهناك لفتتني بنت ابتسمت لي ودخلت قلبي بسرعه
وبعدين
التقينا مرهـ ثانيه بالصدفه وعرفت انها شيعيه وتبادلنا الحوارات وانجذبت لها بسرعه وارتحت لها وكل يوم تقريباً
نتقابل وسرنا لازم كل يوم نتكلم بس ما كانت تكلمني عن عقيدتها وانا ما كنت اتكلم معاها عن عقيدتي
قضيت معاها اوقات حلوه وسعيده استمتع بكلامها احس بفرحه بداخلي لمن اكون معاها
ومره من المرات رحنا مكان عام واحنا نتكلم جاتنا وحده وهذي الوحده سنيه وللاسف وبصراحه خجلتني باسلوبها
الوقح على طوووول جلست تسب هذه البنت الشيعيه وبدون ما تشوف منها شي غلط بس لمجرد انها عرفت انها شيعيه
جلست تتكلم عليها وتقول انتم يالروافض ياكلاب وكمان تتكلم في شرفها تتهمها باشياء اخجل اقولها لكن عجبتني ردت
فعل صديقتي الشيعيه لانها ردت عليها بكلمه وحده قالت انا شيعيه ولا انتمي للفئه الرافضه ومسكت بيدي ومشينا وانا من بعدها
وانا افكر ايش يعني كلامها واحنا نمشى لاحظت من سكوتي اني متنحه وحست بي وقالت احنا يا...نحب الرسول والصحابه
احنا غير عن الروافض وكمان كلام ما ستوعبته وهذا اول عبارة تقولها لي عن عقيدتهم بس انا جلست متنحه ومو فاهمه شي
... ((وانا اصلاً ماني فاهمه شي لان ماكنت افكر بامر الشيعه ولا اعرف عنهم شي))...
فقالت لي
اذا تبي علاقتنا تستمر لازم
نتفق على شي
قلت لها اوك نتفق بس على ايه ..((اننا نكون اصدقاء بشرط ما نتكلم بامور العقيده انا اتبع اللي اهلي ربوني عليه واني كمان))
من بعدها قررت اني انسى الموقف اللي سار
بس انا عندي حب استطلاع ولقافه زايده شوي بديت احاول اني اتقرب منها اكثر واعرف عنها وعن خصوصياتها اكثر ابي افهم كيف حياتها
او بمعنى ثاني ابي اعرف كيف حياة الشيعه ايش يسون ولمن تقربت منها اكتشفت ان غير اللي كنت ابحث عنه اكتشفت جوانب حلوه في البنت
اخلاقها وروحها حلوه اسلوبها جذاب طريقتها بالكلام وتوصيل الفكره عجبني مره دايم تتكلم معاي عن اشياء وامور في الحياة اكون
متنحه مو فاهمتها ولا اتعب نفسي اني افهمها بس هي اخذت بيدي ووضحت لي هذي الامور باسلوبهاوكمان
اتقبل منها النصيحه بسرعه وكأنها تملك سحر عجيب بس بالنسبه للدين والامور اللي بتنقال عليهم ما شفت شي عليها او ..ما ادري
بصراحه انا تعلقت فيها مره مره وبصراحه اكثر خايفه لان الكل يقول ان الشيعه ماهم كويسين وانا اشوف غير عن كذا
اخاف ان يجي يوم واكون منهم برغم ما اشوف اختلاف كبير بيننا وبينهم او ممكن اني ما اكتشفت حقيقتهم وحكمت عليهم من بنت
وحده بس هي طيبه مره مره
تصدقون ان اهلي ما يعرفون انها شيعيه يحسبونها من صديقاتي اللي بالجامعه
انا ذحين بدأ الخوف والقلق والتفكير يتعبني مو قادره اتركها طيب هي ما سوت لي شي بنفس الوقت الكلام اللي بأسمعه عنهم والكلام
اللي قريته عن طريق النت بيناقض بعضه يجيب القلق
بالله ساعدوني كيف اتصرف هي طيبوبه وما اقدر اجرحها وكمان اتعودت عليها لدرجة اني لمن اكون تعبانه اقوم بالقوه واكلمها وابلغها
اني مقدر اتكلم معها اليوم واحيانا يكون قصدي اسمع صوتها او اترك لها رساله
كيف ياربي راح تكون ردة فعل اهلي لمن يعرفون ايش بيسون ؟؟
اقاربي ..جاراتنا ...
طيب ليه الكل يبتعد عنهم نفسي اقتنع نفسي اعرف ؟؟؟؟
والكلام اللي اسمعه واقراه عنهم ماشفته بعيني ..
ياربي تعبت ..
مو عارفه ايش اسوي ولا كيف اتصرف سرت في قلق زي اللي مسوي شي غلط ...بس في داخلي مقتنعه انه مو غلط
بس الكل اكيد انه يشوفه غلط؟؟
انتم ايش رايكم لو كنت اخت احد منكم وصار لها الشي ذا كيف راح تتصرفون معها ؟؟
..
..
...
....
وهدي كل حكايتي........