هذه القصة حصلت معي شخصيآ...!!!

[أميرة التفاؤل]

بعد يوم طويل من العمل والمجهود المنقطع النظير وأنا في طريقي للبيت قررت أن أكمل مسيري
لشاطئ البحر والذي لا يبعد عن بيتي سوى نصف ساعة بالسيارة وفعلآ أكملت الطريق فلم أكن
أشعر بالجوع أبدآ وأوقفت سيارتي على بعد بسيط من الشاطئ وترجلت من السيارة حتى وجدت
البحر بهيبته أمامي جلست على الرمال الناعمة بعد أن ألقيت التحية لكل أسماك البحر سمكة سمكة
وكل انواع الكائنات البحرية كائن كائن وكل السفن الغارقة في قعر البحر سفينة سفينة ألقيت التحية
أيضآ للشمس التي بدأت بالمغيب وقلت لها مودعآ حشتاقلك..!
بصراحة بدأت أفكر في كل شيئ حولي وكل ما يهمني وكل ما أتمنى وكل أحلامي وكل خيالاتي ولا
أخفيكم سرآ أنني تذكرت والدي المتوفي وتمعنت في شوقي إليه ولم أبخل عليه بدعوة ولد صالح أسأل
الله أن أكون منهم نظرت للأرض حولي فوجدت الرمل ناعم جدآ فخط إبهامي على الرمال كلمة أبي كتبتها
وبدأت بقرائتها وترديدها أكثر من مرة حتى شعرت أن أحدهم يضع يده على كتفي بدفئ وحنان وصوت
كما عهدته دائمآ قائلآ:مالك يابا شو مزعلك؟!!
بصراحة كدت أن أقفز من مكاني من شدة الرعب كيف لأبي أن يكون هنا وهو في عالم غير عالمنا وسألته
مرتعدآ: يابا انت شو بتعمل هون؟إنت شو جابك؟
فأجابني بهدوء:إجلس إجلس ولا تخف دعني خلفك وانظر للبحر ولا تنظر إلي إسمعني وحاورني وتعلم مني
وامضي في حياتك..ودار بيننا الحوار التالي:
-شو مزعلك؟
-الحياة يابا غريبة بتروح معها يمين بتيجي شمال.
-ومن متى انت بتعرف اليأس؟انا مش ربيتك على التفائل والأمل؟
-آه يابا بس زمنا غير زمنكم..انتوا زمنكم كان أسهل وكان في صدق وهس كل شيئ اتغير.
-ليش أنا ربيتك وعلمتك انه الحياة بتيجي بالساهل؟ما انا كنت ليل نهار احكيلك اتعب واشقى عشان مرادك.
-يابا انت عارف اني عمري ما استسلمت بس كمان انت كنت تسندني وكنت تشد على ضهري وتوجهني ومن يوم
ما انت تركتني وانا بوجه حالي من حالي وكل اشي على راسي لحالي لحالي لحالي.
-ليش انت مين اللي بهديك وبوفقك مش ربك اللي خلقك؟ليش ما تناجي ربك وتسأله التوفيق وتتوكل عليه؟
يا يابا لا تنسى انه التوفيق لا من أب ولا من أم ولا من أخ ولا من عم..التوفيق نعمة من نعم ربنا.
-ونعم بالله يابا ونعم بالله.
-الله يرضى عليك يابا لا تزعلني منك وانا بعرف إنك زلمة قد حالك وما بدي اليأس يدخل حياتك.
-لا تخاف علي يابا أنا شبلك يا أسد..وابتسمت ووجهي للبحر والغروب يلوح أكثر وأكثر ووجهت لأبي
الحديث قائلآ:
-بتتذكر يابا بس كنت أعمل غلطة وأنا صغير وانت تلحق وراي بالدار من غرفة لغرفة؟ يا الله شو كنت
أشفق عليك وانت مش عارف تمسكني...فرد قائلآ:
-اي هي أيام بتنتسى..كنت ألحق وراك بس كون متأكد إني كنت أتركك تهرب وما كانت غايتي أمسكك
فش أب بالكون بحب يعاقب ابنه أو يأذيه حتى لو كان قرد مثلك..تعالى صوتي بالضحك وأجبته:
-بتتذكر لما كنت اتدور على مفتاح سيارتك عشان تروح على شغلك وأنا مخبيه واضطريت انت تروح بتكسي
لإنه موعد الشغل اجا وانت مش لاقي المفتاح؟ضحكت مجددآ ولم يشاركني الضحك وقاطعني قائلآ:
-اذا بدك تذكرني بأمجادك بذكرك أنا كمان بأمجادي..بتتذكر الفلقة اللي أكلتها بمناسبة تكسيرك للزيتونة
اللي باب الدار وأنا كنت منبه عليك مليون مرة إلعب بكل شيئ إلا الشجر لا تقرب عليه..فرددت واناأحاول تغيير
مجرى الحديث قائلآ:
-يعني لازم اتذكرني بالمواقف اللي بتسم البدن يابا وبتذكرني بيومين وأنا أمشي على أطراف أصابعي..ربت
على كتفي ضاحكآ وقال:
-لا تقلق فمن الفلقة تعلمت أن الزيتونة غالية يابا ومن الفلقة تعلمت أنا من سيدك انه الأرض غالية..وهنا وجهني
والدي لمجموعة من النصائح:
-اوعى يابا تستسلم للبحر ولا تفكر بيوم تعاند البحر كون معتدل مع كل شيئ.
-اوعى تنسى صلاتك فهي عماد الدين
-دير بالك على حالك واتجوز وبطل عزوبية بكفيك
-لا تنسى تدعيلي دايمآ فأنت بإذن الله ولد صالح وعمل صالح بقي ورائي.
قلت له مصارحآ يابا أنا بحبك كتير وانا حدعيلك بكل صلاة لإنك عملت مني رجل بفضل الله ونظرت للخلف
ولم أجده..لقد غادر..عدت وحيدآ..لكنني أقوى..نعم يا أبي سأعمل بكل ما أوصيتني به ولن أخذلك بإذن الله..
رحمك الله يا والدي.