قصص وعبر مرضى الصدفيه

[- العنيدة -]

السلام عليكم جميعا

حبيت اشارك معاكم بالموضوع ..

انا من لما كنت صغيره .. بالاعدادي حسب مااذكر .. انصبت بالصدفية .. وكانت ظاهره بالكوعين وبالركبة [ برجل وحده بس ] وعلى الانف بقعه صغيره ..

لكن انا من النوع اللي مايدقق ابدن .. يعني لاتقول سببت لي ازمه نفسيه .. الحمدلله ماكنت عاطيه الموضوع حجم كبير وذلك يعود لاسباب خلوني ساكته احسن لي ولكم

المهم .. مرت الايام .. اللي بوجهي راح ... واللي بالكوعين راح .. لاني استخدمت كريمين ينخلطون مع بعض من المستوصف ... ابوي كان كل يوم يحط لي الكريم ولا انا ماكنت اهتم

وراحت الايام وجت .. وانا ولاعلى بالي الصدفية .. يعني كانو الوضع عندي طبيعي مره ولااشتكي ولاشي ولا معوره راسي بالمستشفيات

بس بهالفتره الاخيره ... قرصني البعوض برجلي
زرت الدكتوره وحسستني انو وضع الصدفية يعني يحتاج اني ازور الطبيب باستمرار وكذا
بعدين صرفت لي كريم عشان قرص البعوض
بس الطبيب الكبير يعني قالي ترا احتمال تزيد هالصدفيه اللي فيكي من قرص البعوض
وفعلا بدل ماكانت بس بركبتي .. صارت برجلي الثانيه بقعه لابأس بها يعني


هني حسيت اني بخطر واخذت موعد من المستشفى وانتظر يدخلوني على الدكتور

وبديت اتسائل كثير عن هالموضوع ... وخايفه انه ينتشر اكثر ... او يأثر على حياتي
- اقصد يكون عقبة لزواجي مثلن ... - بس ان شاء الله مايكون جدي

انا سمعت انه اللي فيهم صدفيه محدوده ممكن تنحل بالليزر صحيح هالكلام؟