ديوانية مرضى الصدفيه

بنـ الكويت ــت · #11 29-02-2008, 07:49 PM

خنقولكم سالفة اليوم بنت خالتي ورتني فلم ياباني بس مترجم تحت بالعربي .. بس هالفلم قصته واقعيه
حتى باخر الحلقات يحطون صور البنت الحقيقيه وبعض من كلماتها ..
البنت واهي عمرها 15 يحوشها مرض ماله علاج .. الي اول شي يختل توازنها ومع الايام ماتقدر تمشي عدل
بعدها ماتمشي لين ماتقدر تتكلم وتسير معوقه !!!!!
تخيلو بنت عمرها 15 سنه تكون طبيعيه ويصيبها مرض جذي تكون عارفه بعد جم شهر او سنه انها خلاص
ماراح تقدر تتكلم ولاتمشي وتكون معوقه !! متخيلين الوضع ؟ انا قعدت احمد ربي واشكره عالي انا فيه
بس جد يعور القلب .. وانا الي بكاني لما قالت حق الدكتور .. بسئلك سؤال .. المرض ليش اختارني انا ؟
واي عورت قلبي .. وباخره حطو كلمات من البنت الحقيقيه الي اصابها المرض وتوفت واهي عمرها 25
كاتبه .. لا استطيع ان احمله ! واي بكتني هني ..
فـ الحمدالله يارب احنا احسن من غيرنا بوايد ..
كافي انه نقدر نشوف ونسمغ ونتكلم هذي نعمه والله
احمدك واشكرك ياربي على هالنعم ..
والحمدالله الذي عافانا ممن ابتلاهم به وفضلنا على كثير ممن خلق تفضيلا
الحمدالله ..

الذين يشاهدون محتوى الموضوع الآن : 1 ( الأعضاء 0 والزوار 1)