°ˆ~¤§(§فلوسٌ .. ونفوسٌ §)§¤~

[زهرة الياسمينا]

°ˆ~¤§(§فلوسٌ .. ونفوسٌ §)§¤~ˆ°

فلس ورى فلس ..
ورى فلس ..صارت فلوس ..

*******
ونفس تكره نفس ..
ونفس تحقد على نفس ..
ونفس تذل نفس ..
وعلى نفس تدوس ..

*******

وفلس تكبر..وتعالى وتحجر ..
ولنعمة المولى تباهى وتحقر ..
وفلس طغى .. وقسا ..
وصار إحساسه حجر ..
وفلس بكل سهولة ..
بأقدامه على الخليقة يدوس ..

*******

وفلس خاف ربه وأقتنع ..
وفلس زاد بجوره وطمع ..
وفلس أغرته الدنيا وزانته ..
وصار مثل أصحاب المجوس ..

*******

كثر الفلس .. وكبر
صار أكثر من حبات المطر ..
نسى الناس ..
ومعنى المشاعر بين البشر ..
وإن الغنى من الله والفقر ..
وصار الظلام بدنيته ناقوس ..

*******

شو هي الفلوس ..
وليه خربت هالنفوس ..
شو هي الفلوس ..
هي من صنعنا..هي من فكرنا ..
ورقه وعليها صورة ..
وبالرمز محفورة ..
وفئة صغيرة ..وفئة كبيرة ..
ويا حسافة مع الأيام
كيف صارت تذل النفوس ..
عكرت طعم الحياة بوجودها ..
غابت معاها ..
كل لحظة جميلة كنا نحبها ..
هدمت كل شي نحبه ونوده ..
نزعت منا المودة والمحبة ..
غيرت فينا الطبائع والطقوس ..
بعدما كان فينا كل شي ..
جميل وأصيل ..
وله معنى وواقع وملموس ..
برزت بأنيابها ..
ما خافت من ربها ..
صارت نار تلتهمنا بنيرانها ..
وبحوافر البطش ..
والتعالي .. والتكابر ..
على الفقراء والمساكين تدوس ..

*******

ما همها كيف تتكاثر ..
وما همها من وين المصادر ..
وكيف تتواجد ..
همها الفلس يجيب الفلس ..
وبعدها كيف الفلس يغتني بالفلوس ..
وكيف تغتال نفس ..
خرجت من رحم طيب النفوس ..
وكيف أن الدنيا أصرخت ..
بظلم النفس لنفسها ..
وببطش النفس لمثلها ..
وبموت بعض الضمائر ..
والأكيد مو كلها ..
يا حلوها .. يا زينها ..
لو كانت كل نفس تخشى خالق هالنفوس
ويا ليت ابد ما نتغير ..
ولا تغيرنا الفلوس ..!!