ساعدوني والله اني بنجن وعبرتي تخنقني

[راضيه بحكم الله]

السلام عليكم ورحمه الله وبركاته

ابدا بمشكلتي وهي مشكله معقده بالنسبه لي وجايبه لي الحزن والتفكير وكل شي ولو باكتبها انت بتحكمون على انها بسيطه بس بالنسبه والله معقدتني واتمنى انكم تساعدوني تكفون لانا مالي احد غير الله ثم انت

اولا انا ماعندي صديقات لاني متعقده من الصداقه لاني صادقت اول مره واكتشفت انا اسراري عند زوجها والثانيه اكتشفت انها نمامه والثالثه اذا شكيت لها تزيد الحطب نار الخ.................................

وانا من النوع اللي تحب تتكلم وماتقدر تفضفض عن طريق الكتابه حاولت مرات لكني فشلت

انا متزوجه وزوجي يحبني وطيب ومتفهم ويخاف الله بس مابقى اتكلم عن مشاكل اهلي بالعكس امدح عنده عن اهلي ولااقول عنهم شي ماابقى اغير صوره اهلي في وجهه المهم مقدر اطول عليكم

عندي اخت اصغر مني ب6سنوات تقريبا وانا وياها قبل ماتزوج كنا احلى اختين ونكن لبعض الحب والود والصداقه وكتمان الاسرار صحيح اني تزوجت وبعدت عنها بس والله قلبي مثل ماهو والله العالم اني اسال عنها لدرجه اني اذا طلعت اخذها معاي

المهم تقدم لها شاب وقالت لي قولي لزوجك يسال عنه ورحت وقالت لزوجي وقال عنها اخبار ماتسر ورحت وقلت لها بس للاسف ماغتنعت مني وتمت الملكه وانا والله فرحت لها من كل قلبي والحين مرت على خطبتها شهر بس للاسف تغيرت علي مليون درجه ماتتكلم معاي واذا تكلمت معاها ترد علي بصوت عالي ولا ماتتجاوب معاي صارت لي بالنسبه لي وحده ثانيه ماكانها اختي اللي تربيت معاها وللاسف بعد ماحدد زوجها الزواج ماقالت لي وبعد ماعرفت رحت قلت لها صحيح الخبر قالت لي نعم وقلت متى انشاء الله بيتم الزواج وقالت لي وهي ماودها تقول لي ولما انقهرت منها رسالت لها رساله كتبت كل اللي اعاني منها ماردت علي وتجاهلتني وبعد ماقلت لها قريتي الرساله تهربت مني ولا تقولون انتي تتوهميني انها تغيرت لدرجه اني كرهت اروح بيت اهلي والسبه علشان ماشوفها بس انا اروح علشان امي وابوي وصارت حالتي حزينه واحس بكائبه وعبره تخنقني ومااحب اجلس مع احد ودايم ابكي وانا عارفه وقت حاجتها بتلجى لي مدري ارجع لها وكان ماصار شي واصير احسن منها ولا اتجاهلها مثل ماتتجاهلني

تكفون ابقى حل لاتتجاهلون الله يجزيكم كل خير ...................