أسعدي نفسك <موضوع رائع >

[قلب الجزائر]

السلام عليكم ورحمه الله وبركاته ،،،

لا تربطي سعادتك بسعادة أي شخص بهالدنيا .. مثل الصديقة أو الزوج

لا تربطي سعادتك بحدث معين .. مثل الزواج أو الوظيفة أو النجاح

لا تربطي سعادتك بمكان معين .. مثل الجامعة أو المدرسة أو البيت

ليش اقول هالكلام

لأن بعض البنات صارت حياتها كلها .. نكد في نكد

والسبب انها ربطت سعادتها .. باللي حولها

هي منكدة لانها .. ماتزوجت

او بتموت .. لأن زوجها سافر وخلاها

أو زعلانة .. لأنها ما توظفت

وهكذا

طبعا انا مو قصدي الزعل المؤقت

لا



لا



لا



انا قصدي البنت اللي تتوقف سعادتها .. على هالشي

تتوقف سعادتها على الوظيفة

والى ان تيجي الوظيفة .. تلقينها منكدة طول وقتها

والمسكينة ما درت انه اذا جاتها الوظيفة

ما بتفرح الا يومين

وبيصير لها موقف في العمل يخليها ترجع لنكدها

واذا تزوجت بتفرح كم شهر

وبعدين يصير لها موقف مع زوجها .. وترجع لنكدها

والسبب واضح ....؟؟؟

وهي انه هالنوعية من البنات .. تربط سعادتها بالاشخاص والاحداث والاماكن اللي حولها

اذن هي بتصير .. لعبة في يد الاخرين

مرة يرضونها

ومــــــــــرات يزعلونها

وأضعف البنات هي اللي تكون سعادتها مو بيدها

لكن بيد اللي حولها


يابنت

اذا مااسعدتي نفسك

لا تفكرين في احد بيتبرع لإسعادك

اسعدي نفسك

لأنك إذا أسعدتيها بتخلين كل اللي حولك سعداء

وإذا جلستي طول الوقت منكدة .. بيكون اللي حولك منكدين

وبيكون جو البيت .. نكد في نكد

شوفي اطفالك حولك كيف يطالعونك باستغراب

واذا مو متزوجة .. شوفي نظرات الاستغراب في عيون ابوك وامك واخوانك


في الدنيا اشياء كثيرة ممكن تدخل السعادة في قلبك حتى لو كنتي في قمة زعلك ونكدك

فيه الوضوء اللي يريح القلب ويغسل الهموم

وفيه ركعين .. و الدعاء .. وقراءة القرآن

بإمكانك تتصلين على صديقتك وتفرغين بعض همومك عندها

بس تكون صديقة حكيمة .. مو صديقة تزيد من اشتعال النار

وفي اي هواية ممكن تفرغين فيها شحنات زعلك ونكدك .. حتى ترتاحين


.
.
.
.
.



وبإمكانك تروحين لزوجك اذا كنتم زعلانين من بعض .. وترضينه

وش صار يعني

نزلتي من كرامتك شوي .. مو مهم

قال صلى الله عليه وسلم : ( لا يحل لرجل أن يهجر أخاه فوق ثلاث ليال يلتقيان فيعرض هذا ويعرض هذا وخيرهما الذي يبدأ بالسلام ) رواه البخاري

هذا بالنسبة للاصدقاء .. فما بالك بالزوجين

يعني انتي الحين صرتي عند الله .. احسن منه

واذا الله رضي عنك .. بيخلي زوجك راضي عنك

بتقولين .. يتعود

خليه يتعود ..

اعتبري عقله صغير .. خليه يزعل يومين .. وبعدين روحي راضيه

لانك لو ماسويتي كذا

بيستمر الزعل والنكد اسبوع واسبوعين ويمكن شهور

وتجلسين طول هالفترة وانتي متوترة ومنكدة وعيالك منكدين والبيت كله متكهرب

والحياة كم فيها يوم

عشان نقلبها زعل ونكد

وصدقيني يابنت .. اذا ما اسعدتي نفسك .. ما حد بيسعدك





.
.
.






كل حياتنا اصبحت توتر...

نفسياتنا...

ارواحنا..

عضلات اجسامنا ..

لاحظي حواجب عيونك كيف مقوسة ..

ويدك كيف مشدودة ...






نحتـــــــــــــاج للهدوء

حتى يروح هالتوتر

هذا التوتر الا مااشوف له علاج ...

علاج توتر الروح والنفس ..

يكون بالعبادات والتقرب الى الله..


اما علاج توتر الاجسام

فيكون بأنك تشمين هواء نظيف

قومي غيري من مكانك قدام الشاشة والنت

لا
.
.
.
لا
.
.
.
لا
.
.
.


كل هالاماكن من أكثر الأماكن تلوث بالهواء


انا قصدي تروحين ممشى

تمشين وتمشين وتمشين

وتشمين هواء نظيف

ويتعب جسمك حيــــــــــــل,,

وتجين البيت واتني تعبــــــــانة

وتاخذين دش وتنامين

وتقومين قبل الفجر بشوي .. تسبحين وتستغفرين وتدعين وتقرئين قرآن وتصلين


شوي شوي تلقين التوتر راح من جسمك ومن نفسك وروحك

وتلقين حياتك تغيرت كثير

وتلقين البسمة رجعت لك

وتلقين النكد راااااااح الى غير رجعة,,,





والله يبعدكم يارب عن النكد على طول ويجعل السعااااادة دايم عندكم ,,,



لاتنسوني بدعواتكم ...

منقوله