علاج للصدفية من الغذاء

[ابوضياء]

سلامي لجميع الاخوه والاخوات
اختى ام سندس الله يشفيكي ويشفينا ويشفي جميع مرضى المسلمين .
والله مافي شك من هالمعاناه اللي بنعانيها من هالعله اللي مابتتسمى الصدفيه ...
لكن ندعوا الله ان يكتب لنا اجرهالمرض المتعب نفسياً وجسدياً وكمان مادياً ..
وندعوه ان يصبرنا على هذا البلاء... واكيد انه خير لنا ان شاءالله.. ..
والحمدلله على كل حال .
سؤال اذا ممكن .. بما انك لاحظتي نتيجه طيبه من علاجك من منتجات هالشركه اللي
ذكرتيها ( فـور إيـفـر ) ليش وقفتي هالعلاج ... والله خساره بما انك حسيتي انه
ريحك وطلعتي بنتيجه مرضيه لك ..؟؟
وللعلم انا قد جربت هذا العلاج ويمكن بنفس طريقتك ( صادني ) عضو من هذه
الشركه من النت وقال لي انه عنده علاج للصدفيه .. وبالفعل استضفته عندي
في منزلي بجده ونفس الموال _ اعضاء _ وعمولات _ والخ لهالشركه ..
واحضر معه نفس العلاجات اللي ذكرتيها وقال لي بالحرف الواحد
في خلال اسبوع الي اسبوعين بالكثير ستجد نتيجه ممتازه واكيده ...ومن غير رجعه لها
( طيب دلني على شخص قد تعالج من هالصدفيه من منتج هالشركه ... لا جواب !!! )
وللاسف والله استمريت باخذ علاجه لمدة 2 شهرين او اكثر تقريباً ولكن دون اي فائده
ولا واحد في المئه ... والحمد لله .. ولما اقوله عن النتيجه اللي حصلت معي
يرد ويقول ( غــــــــــــــريــــــــــــبــــــــــــه ) !!
اقول يمكن قد نجحوا في علاجات لأمراض اخرى غير الصدفيه.. يمكن .... اقول يمكن !!!
اما عن علاج خبير الاعشاب زين الاتات اللبناني لهالخايسه الصدفيه ..
فقد ذهبت له في 6 / 4 / 2007 الي لبنان وقابلته شخصيا وايضا اكد لي
بانه قد عالج الكثير من مرضى الصدفيه ...
وبالفعل اخذت علاجه وايضاً اكملت 3 اشهر .. وللاسف لم الاحظ ولا اي نتيجه
مشجعه .. ولو كانت هناك نتيجه مرضيه ولو واحد في الميئه كان استمريت في
علاجه ولو سنه ...
هلا بالاخ عبدالكريم قاسم ..
اما عن منتجات البحر الميت فوالله جميعها لا فائده منها لملايض الصدفيه ...
يمكن مهدئه فقط .. ومن ثم ترجع ثاني ..
وللعلم فقد استعملت هالمنتجات وقضيت فتره في هالبحرالميت ولكن للاسف ...
اعتقد والله اعلم انه لم ولن يفيد مريض الصدفيه بــــــــــــتـــــــــــاتـــــــــــاً
واكبر دليل لي شخصياً ( اعرف عدد من الاخوه الاردنيين مصابين بالصدفيه )
لم يستفيدوا من هالميت .. قالوا لي اسمه ميت الله يرحمه ...
والله لا اريد لكم الاحباط .. ولكن متأكد مافي شخص مصاب بالصدفيه
الا وكان حقل تجارب من اطباء وخبراء اعشاب وعطارين ودجالين ونصابين...
كل الموجود ( مــهــــديـــئـــات فــقــط )
وارجع واقول واكررها للمليون نفسي احصل على شخص ويقولي كانت
معايا الصدفيه وطبت منها بعلاج معين قد استخدمته ... نفسي ..والله نفسي !!
ولو كان هناك لذهبت له .. وين هناك مدري ؟؟
معليش قرقرت مثلك ياام سندس .. واسف على الاطاله ..
ابوضياء