حدوتة تعليمية أوي

[بسمة شهيد]

كنت قاعدة في الامتحان وبدأت النظر إلى ورقة الاسئلة وبعد التاكد إنه كل الاسئلة اللى في الامتحان في اطار المنهج ( كما قال الدكتور طبعا ) ومن ان الامتحان اصلا في السنة الخاصة بي

وبعد نص ساعة بدات اهزر مع القلم مش لاقية شيء اكتبه تاني خاص بالاسئلة والعملية مش مستاهلة (دش كتير )

لقينا صريخ بصوت عالي حتى انه الدكتور وقف الامتحان ليشوف ايه الحكاية

ووجدنا انه الصريخ صادر من قلم احدي الزميلات

القلم : حرا عليكم يا دكتور احنا برده ولاد ناس
هي نازلة فيه من الصبح (فحت وكتابة ) انا والورقة الغلبانة دي ...ارحمونا

الدكتور : معلش يا بني نصيبك كده

القلم : معلش ايه ده انا قاعد اتحايل عليها من الصبح تفكر شوية عقبال ما ارتاح او ترسم رسمة الهستولوجي عقبال ما اخد نفسي

ودي ما فيش فايدة لاحياة لمن تنادي

وبعد الامتحان لقينا القلم بيتعجز على المسطرة وبيبرطم بكلام غريب

ولقينا الطالبة بتبكي فلما سألناها : قالت هو كده لازم اعمل جو للامتحان

العبرة :

اغلب الدارسين بمدارس حكومية عربية بيلاقوا انه الهدف هو اثقال ذهن الطالب على قدر الامكان مع تغييب احساسه طوال العام

عشان ما يفوقش لاي شيء تاني غير التعليم ..واغلب المناهج تعتمد على الحفظ

ويوم الامتحان اعلى الدرجات تكون من نصيب اكتر واحد بيكتب كتير حتى لو ما كانش في صميم الاجابة الخاصة بالسؤال

وناهيك عن الالام الظهر والايدي اثناء الكتابة وان كان يقع الالم على القلم قيراط فعلى ايدي الطلية والشد العضلي ستة وتلاتين قيرط
هي العملية دواعي سياسية ولا امنية ولا خزعبلية؟؟؟

اما آن الوقت لتغيير العقول المعلمة قبل المتعلمة ؟؟؟؟

القصة منقولة والعبرة من عندي والله المستعان