تدري وش اللي يجرح القلب جرحين

[الهمة]

تدري وش اللي يجرح القلب جرحين
ويمد حبـل الحـزن فيـك ويشـدة

انك تناظر طفل مـن غيـر ابويـن
يمشي ودمعـة سايـل فـوق خـدة

منظر صعيب ويقسم القلب قسميـن
لا قام يمسـح دمعـة بكـف يـدة

يمش ولا يدري طريقة علـى ويـن
لين التعب من كثر مـا تـاه هـدة

اثقل حروف يشيلهـا فيـة حرفيـن
لا أب يدريـبـة ولا أم تـــردة

في خظوته رحلة ودمعـة وسكيـن
وحـظ توسـد بالمراسـي مـخـدة

جيت اسألـة بالله قللـي ولـد ميـن
وبغي يجاوب وختنـق صـوت ردة

أنـا يتيـم ومـا لدربـي عناويـن
وجزر الحزن فيني يسـاوي لمـدة

وطعم الطفولة ما عرفته لها لحيـن
وثوب السعادة صرت مانيـب قـدة

ابكي إلى من شفت غيري سعيديـن
ليـن البكـا فينـي يوصـل لحـدة

واقفي ورحت امسح دومعي من العين
وعيني تناظر دمعتـه فـوق خـدة

وهذا اللي يجـرح القلـب جرحيـن
ويمد حبل الحزن غصـب ويشـدة