برنامج Download Accelerator Plus اليهودي .. وخطورته !

[إبن الإسلام]

انا مش عارف اقول ايه لكن البرنامج اليهودى اكثر من رائع واذا مكنش عاجبكم يريت تورونا شطارتكم فى ابتكار برنامج حتى لو بنصف امكانيات البرنامج ويريت يكون البرنامج عربى الاصل ومتنسوش ان قمة التكنولوجيا اساسا من عندهم وكمان احنا متاخرين عنهم بمائة سنة وبعدين تجسس ايه يجماعة انا مليت من الكلام ارحمونا وشوفوا الدنيا ماشيه ازاى

أخي الكريم في هذا الاقتباس ردك الأول على الموضوع

ألا ترى أخي الكريم احمد ان أسلوبك في الرد قد أثار حفيظة جميع الاعضاء الذين ردو بعدك ؟؟؟

نحن لم نقل اننا لا نحترم الجانب العلمي فيهم , ولكن ردك يظهر أنك تستشف بالاعضاء ولم يعجبك ما جاء في الموضوع , فإذا لم يكن قد أعجبك فهناك أسلوب أفضل من هذا الاسلوب لترد على الموضوع .

(واذا ما كانش عاجبكم ورونا شطارتكم ) ( ويكون عربي الاصل )
انت بالكلام ده وكأنوا مش عاجبك الاصل العربي , وبتتباهي بيهم على اصلك , لعلمك في معلومة يمكن ما تعرفهاش وهي انه 3 ارباع العقول النيرة اللي انت فاكرها في العالم اصلها عربي مش من دول اجنبية , فياريت تفتخر بالاصل العربي بدل ما تستشف بيه .

( وتنسوش ان قمة التكنولوجيا من عندهم ) , (وكمان احنا متاخرين عنهم بمائة سنة )
قصدك ايه بالكلام ده , اللي افهمه من الكلام ده انه احنا العرب متخلفين جدا بالنسبة ليهم , فاسمحلي اكررلك الجملة اللي فاتت انه 3 ارباع العقول النيرة اللي انت فاكرها في العالم اصلها عربي مش من دول اجنبية ياريت تحفظها دي , وبعدين لينا الفخر اننا عرب ومش عاوزين تكنولوجيتهم دي لاننا بغنى عنها يا احمد .

( وبعدين تجسس ايه يجماعة انا مليت من الكلام ارحمونا وشوفوا الدنيا ماشيه ازاى )
اذا انت ما كنتش فاهم يعني ايه تجسس , واذا كنت مليت من الكلام ده , فانت حر بنفسك عاوز يتجسسوا عليك فهذا الشئ خاص بيك لوحدك , ولكن احنا مش مستعدين نعرض انفسنا واجهزتنا للمخاطر الخارجية حتى لأتفه سبب لاني انا كطالب الوالد دفع دم قلبوا على بال ما حصلي ثمن الكمبيوتر اللي اشتغل عليه وادرس عليه , ولكن التجسس ده في لحظة ممكن يدمرلي كل ده .
واذا انت كنت بتجرى ورى الدنيا اللي عاوزنا نشوفها ماشية ازاي فهذا الكلام لا ينطبق علينا احنا لان احنا هدفنا حماية انفسنا وحماية تراثنا وممتلكاتنا من اعتداءات الاجنبي اللي انت بتفتخر بيه وبعلمه .

اكيد انت حتقلي اني كبرت الموضوع جداً يا احمد , لا مش كده ابداً , لان الكلام القليل اللي انت قلته , بيترتب عليه معاني كثيرة , فيريت لما تبقى عاوز تكتب كلام لازم تعمل حسابك للي حيترتب عليه من ردود فعل .

أنا آسف للإطالة ولكن علشان اوضحلك وجهة نظري من كلامك