قصيده (( يالله طلبتك طول بعمر شاااارون ))

[القلب الكبير]

يالله طلبتك طوّل بعمر شارون
………………………… واِبله بعلّة منّها يرجي الموت
وخله بسجن الهم والياس مسجون
………………………… واحرمه نور العين والسمع والصوت
وضيّق عليه العيش والحال والكون
………………………… حتى يحسب انه سكن باطن الحوت
واحشره مع كسرى وقيصر وفرعون
………………………… ومع كل شيطانٍ ومع كل طاغوت
الصخره الين بالف مليون مليون
………………………… من قلبه اللي ممتليٍ حقد مكبوت
شرب الدما عنده مثل شرب ليمون
………………………… وذبح الطفل عنده مثل ذبح كتكوت
يطرب الا من سمع عجزٍ يونون
………………………… ويفرح الا من شاف شيخٍ بتابوت
وياللي ( بتبويس ) المخاليق مفتون
………………………… حست الورق .. والقوم صكّوك كبّوت
شعبك ترى في كل ليله يموتون
………………………… وأنتَ تسكّع بين لندن وبيروت
وشعبك بهم جوعٍ ومنّه يعانون
………………………… وانت تحلّي لك ببسي وبسكوت
وشعبك يبون لباس .. لاما يلاقون
………………………… و( سها ) تلبّسها جواهر وياقوت
اللي يبي صلحٍ مع عيال صهيون
…………………………مثل الذي يبغى من الشريه التوت
صوّت يابو عمّار والكلّ ياتون
………………………… لم الجهاد .. اسرع لنا بعالي الصوت
أما انتصرنا .. واندحر كلّ ملعون
………………………… والا من الذلّة .. لنا أرحم الموت