ارجو المساعدة

[ahmedsaad1985]

السلام عليكم و رحمة الله و بركاته
لو سمحتوا انا واقع في ضيق و ارجو منكم المساعدة
مشكلتي كالتالي
انا متزوج و لدي 3 اطفال و متزوج في بيت العائلة و تحديدا اخد غرفتين و صالة و المطبخ و الحمام مشترك مع والدتي
في الاول كان فيه مبالغ بسيطة بتضيع من فلوسي و انا بعينهم اما في البنطلون و بيتعلق عالشماعة عادي او قدام التليفزيون
و في مرة كنت قابض تصفية معاش والدي الله يرحمه و اختفي منهم 500 جنيه و كنت حاططهم في الدولاب
و مرة تانية اتفي 1000 جنيه و قعد اسبوع و لقيتهم بيقولوا ان ابني لقاه مرمي تحت الكنبة
طبعا كان بيبقي الشك في مراتي و اهلي كانوا بيشكوا فيها لان مفيش حد معانا
في شهر 8 اللي فات والدتي كانت بتقول انها عاينة 22 الف في شنطة في الدولاب بتاعها مع العلم انها بتقفل الغرفة بتاعتها دايما بمفتاح و الفلوس دي كانت فلوس لعللاج ابن اختي المريض بمرض وحش و الغريب انها مكنتش معرفه حد مننا لا انا و الا مراتي ان فيه فلوس
و الاغرب ان ال22 الف اختفوا و فضل 1800 جنيه و علبة فيها دهب كانوا فوق الظرف اللي فيه الفلوس في الشنطة و كمان بعدها بفترة والدتي بتقول ان هي لقت 7800 مرميين جنب باب غرفتها
و بعدها بفترة اخويا قالي ان فيه 13 الف ضاعو من دولاب غرفته مع العلم ان من ساعة اختتفاء ال22 الف احنا مقاطعين مع كل اهلي لان والدتي و اخواتي البنات اتهموا زوجتي و احنا قلنا نجيب الشرطة و والدتي رفضت دا و دا شككني ان دا يكون مقلب منهم علشان يخلوني اسيبها او انها مش تتكلم معاهم
انا من شهر 8 مش بتكلم مع حد من اهلي نهائي لانهم عاملوني اسوء معاملة لدرجة ان لي اخت مسافرة لما اجت من السفر والدتي مش قالت ليا انها اجت لا و عملت انها زعلانة مني علشان تروح تقعد معاها و مش تعرفني انها اجت
كمان اانا الضغط العصبي عليا خلاني ادخل في حالة نفسية سيئة و خلاني كنت هنتحر اكتر من مرة و روحت كشفت نفسي و اخد ادوية
من حوالي اسبوعين انا كنت محوش مبلغ 2000 جنيه و كان كل ما املكه و كان في نيتي اني اعمل اي مصلحة صغيرة مع واحد من اصدقائي و كنت مديهم لزوجتي تعينهم معاها و هي قالت ليا انها كانت حططتهم في الدولاب
من فترة كنت في الشغل و حصلي موقف اضطريت اني اروح اخد منها 300 جنيه و كان عليا جمعية لسه عليا فيهم 700 جنيه فقلت لمراتي هاتي ال2000 و روحي ادفعي ال700 بتوع الجمعية من دلوقتي بحيث نخلص منها و هاتي ال300 اخلص المشكلة اللي انا فيها
دخلت تجيبهم لقيتها بتقولي مش لقياهم
انا عايز اعرف اللي انا فيه دا ايه
انا سمعت ان ممكن يكون جن
طب ازاي اتاكد انه جن
و هل فيه طريقة اني ارجع الفلوس دي تاني
ارجو منكم الافادة