تجربتي بتركيبة الاخ وائل . وتابع لأاهم نقاط عنايتي ب طفلتي .

[ام احلى سمكيه 2]

المشاركة الأصلية كتبت بواسطة wafaa.91

اسال الله الكريم رب العرش العظيم ان يشفيها ويشفي كل مريض يا رب

معاناة الام مع طفل مريض ما يعلم بها الا ربي بس الحمدلله ع كل حال اجر ومكتوب لنا مضاعف باذن الله تعالى

انا بنتي مريضه بنفس المرض بس الاحظ انها ما تتحمل الاضاءه بشكل فضيع عينها شكلها سليم والحمدلله كان فيها شد خفيف جدا وراح بعد اربع شهور من ولادتها بس الحين ما تتحمل تطلع في الشمس نهائيا لدرجه انها تغطي عينها وتغمضها بقوووه فكرتها طبيعيه يعني الطفل اكيد ما يتحمل الاضاءه القويه بس بعد كلامك لما اكتشفتي ان عندها مشكله من هذي الاعراض بديت اقلق بصراحه
باذن الله اروح لدكتور العيون يطمني عليها بس اخاف من البنج الكامل بنتي عندها ثقبين في القلب اخاف ياثر عليها
الله يكتب لها ولبنتك الصحه والعافيه ويكتب لهم ولنا الاجر

انا ماابغى اخوفك بس الافضل تعرضينها على طبيب عيون والطفل السمكي عموما مايتحمل الاضاءه مثل الاطفال العاديين


. اذا البؤبؤ او السواد تبع العين اسود صافي مافيه اي بقع فاتحه شوي ف أن شاءالله سليمه

لان بنتي كانت نايمه وطبعا عيونها مفتوحه تأملت عيونها ولقيت السواد فيه مثل البقعه البضاء او مثل لون البنفسجي الغامق صورت عيونها وريتها لطبيب العيون وسالته هل هذ الون طبيعي ؟ قال لا هذا هو القرحه بالقرنيه كويس شفتيها لانها تسبب تمزق وتحسس للعين والحمدلله تمت معالجتها بسلام ..


اتمنى افدتك ونسال الله لهم الشفاء العاجل .