فضفضة متصدفه 😎😎

[أم ناصرررر]

السلام عليكم ورحمة الله وبركاته كيف حالكم جميعا عسي ان تكونو بخير يارب
وسامحوني علي التقصير من زمان ما مريت المنتدي
لهيت مع حفيدي وابنتي المصابه بالسكري تبغي عنايه اكثر بعد تركيب المضخه الانسولين الحمدلله علي كل حال
حبيت افضفض مايدور بخاطري
كم هو صعب علي المتصدف كثر العلاجات اللي ماجابت نتيجه 100/ بالشفاء
الكل يعلم ان الصدفيه يبغي لها بال طويل وصبر
يمكن لنا خيره عدم الشفاء
بالنسبه لصدوفتي عنيده جيت لها بالطيب مانفعت جيناها بالعصبيه عندت
طبعا الواحد المصاب دايما الناس تنظر له بنظرة المسكين ولا يعلم اني افضل منه ربي بلاني وانا اسعي بالعلاجات ولا كن دون فايده نصيب الحمدالله
اقول طلعت تقاعد من العمل بعد عمل 16 سنه قلت يمكن ظروف العمل تزيد صدفيتي قلت برتاح عن مشقة العمل ولاكن ماكو فايده وبقيت ملازمه بحياتي
قلت في نفسي متي تاخذين تقاعد ياصدوفتي العزيزه ولا اشوفك
شكلها مطوله العزيزه عندي يمكن كل واحد فيكم لابد ان كان جالس مع نفسه يحاسب ويحزن علي حاله بس ماباليد حيله
لعلها خيره لنا بس مانقدر نسوي شي ماخلينا شي ماجربناه بحري بري توابل زيوت
سوال يدور في بالي هل نحن اشخاص محظوظين 😐
الله والعالم ربي يعلم
اللي خلاني اكتب بالصفحه ادري كلكم اوالبعض متملل من نفسه
لا بد ان نتاقلم عانينا سنين طويله ربي ياجرنا ويرحمنا برحمته
ان الله ارحم الراحمين


بعد هذي الاسطر لا نياس من رحمة الله
الصبر الصبر علي البلاء ياخواني وخواتي
تقبلووووو مرورررري