صدفيتي ي قصة شقائي .. عندي كم سؤال رجاءً من عنده خبره يدخل

زينب21 · #1 28-01-2013, 03:34 PM

السلام عليكم أحبتي ...

ليس لي في المقدمات بخش بااالموضوع دغري:d ..

أنا مريضة صدفية ولله الحمد ع كل حال ، عمر صدفيتي تقريبا 12 سنة ولان عمري 21 بدايتها كانت نقطة صغيرة بمؤخرة الراس واستمرت شهور بعدين تطورت نقاط بسيطه بأنحاء الرأس ، أخذت علاج قطرة بتنوفيت وكانت تختفي وترجع ومليت من القطرة وتركتها سنوات ما اخذت علاج موليا ، اكتفيت باالحنا احطها 8 ساعات واغسلها واحط بعدها زيت وكانت تختفي 4 ايام وتعاود .....

استمريت اكثر من 10 سنوات ما اخذت شي ، لكن قبل اربع سنوات نزلت نقطه صغيره ع ظهري وجلست فتره يمكن سنتين بس بمقدمة الظهر تحت الرقبه بشوي ، وتركتها .. بعد كذا بدت بأذاني وانتشرت وكنت مكتفيه بفازلين .. بعدها انتشرت بظهري ع شكل نقط حمراء طفيفة وتحكني كثيررر ونفس الشي ترتكتها مااستخدمت شي لها غير الفازلين ... قبل سنه تقريبا بدت تظهر على جوانب الفخذين نقط نقط تروع .. خفت وقررت اتعالج ... !

ذهبت لمستشفى الحبيب باالقصيم ودخلت ع استشاري شافني ع عجالة وصرف لي كريم دايفابوت وقطرة بتنوفيت وقال شي حطمني كثيررر ، قال اسمعي هاالصدفية مالها علاج نهائي . فقط مهدئات وكريمات تقلل من ظهورها من فتره لفتره ..

استسلمت للأمر الواقع وبدت رحلة العلاج المزعجه مع الديافابوت والقطرة ، صرت استخدم الكريم اسبوع وتختفي اسبوعين وترجع لي اكثررر من قبل لين ماتمكنت من صدري وعلى الركبتين وعلى الساقين بشكل بسيط ... وانتشررررت ع شكل حبوب حمراء .. ومن رمضان بدت تطلع ع الذراعين نفس الشي ع شكل نقط بس اكبر شي

الحين انا مليت من الدايفابوت والقطرة .. القطرة خلت الصدفية تطلع على الجبهه واطراف شعري وصار شكله واضح مره ويسبب لي إحراج ، والدايفابوت بس يهديني فتره بعدين ترجع حالتي اسوأ من قبل ..
ومااستفدت منه شي سوى ان الصدفية ازدادت بشكل كبير بجسمي ..

الحين أنا قررت استخدم القطران وقريت عنه كثير واقتنعت به كثير ع الاقل احسن من الكريمات وبهذلتها .. اتصلت ع ادمة قبل شوي وطلبت منهم قالو لي يومين والعلاج عندك ..

سؤالي الحين ..
انا شعري اكثر شي متأذي من الصدفيه وصار لي تاركه القطرة اكثر من شهرر وكل شعري قشوور تخررع كأنه جبال :d .. كيف استخدم الفازلين عليه ماأقدر لان شعري طويل وانا عندي دوام الاسبوع الجاي باالجامعة فاصعبه اروح وشعري فازلين واصلا صعب احطوه لان صعب ازالته !! طيب ينفع احط زيت سمسم مع خوا جوا بس .. !!

الشي الثاني الأجزاء اللي من جسمي مصابة باالصدفية لها اكثر من سنة زي ماقلت تحت تأثير الدايفابويت ولا تركت الدايفابوت الا قبل شهر بس ، وعلى حد علمي الدايفابويت كله كرتزون فاايش افضل تركيبة مرهم استخدم قبل القطران !!

الشي الثالث .. الأذنين .. عندي مليانه باالصدفيه وبس احك فيهم 24 ساعه .. عادي استخدم القطران يعني امسح باالقطنة ولا ايش اسوي باالضبط .. !!

الشي الاخير اللي بسأل .. أنا صار لي 7 شهور استخدم علاج الروكتان بتاع حب الشباب جرعة 40جم كل يوم .. لان عندي حب شباب باالوجه والحمدلله حب الشباب اختفى من 3 شهور من وجهي وتحسنت حالتي .. وباقي لي كم اسبوع انهي الفتره العلاجيه .. وبعدها راح يبدا التقشير للوجه فقط وكريمات التفتيح وما الى ذالك .. هل هذا الشي يتعارض مع علاج الصدفيه القطران ام لا !!؟؟

اتمنى تردوون علي بأسرع وقت الله يسعدكم لان متأزمه منها الله يكفينا شرها .

الذين يشاهدون محتوى الموضوع الآن : 1 ( الأعضاء 0 والزوار 1)