خربشات بقلمي وأقلامكم

[راغبة في رضا الله]

جزاكن الله خيرا ياغاليات جميعاً
غروسة حبيبتي انا كنت غايبة لعدة اسباب بس ولا سبب فيهن بيحتاج ثورة وبعدين انا مابستغني عنكم ابدا
واما الاسباب هي
الاول عندي ضغط شغل قوي
والتاني ماسة ولين حبيباتي كبروا وبيعاملوني على اني رفيقتهن او اختهن مو امهن وبدهن ياني العب معهن ومضي معهن كل الوقت وازا انشغلت بيعترضوا وبيقولوا
انتي مابتحبينا ياماما ,وانا بقول
لا مابحبكن بيصيروا يبكوا
بجاوبهن انا مابحبكن لأني بموت فيكن
بيصيروا يضحكوا ,فهيك ماسة ولين آخدين اغلب وقتي
السبب التالت هو غياب أشخاص عزيزين
الغالية ام سامي والغالية لمسة ملاك واخي بشير وراحلين وكتير اعضاء فتركوا فراغ كبير بالملتقى لكن انا رجعت عشان الملتقى بيتي التاني وانا مابقدر ابعد عنه وبقية الاعضاء جميعهم اخواني بشتاقلهم دايما ومابقدر استغني عنهم
وبعدين اصلا انا ماقدرت غيب الا 3 ايام
وان شاء الله الغايبين يرجعوا والزعلانين يرضوا ,نحنا بنحاول نصلح بين اخوتنا من سوء التفاهم البسيط اللي صار بينهم وباذن الله بتنحل الامور قريبا لأنه بالنهاية متل ماحكينا قبل هيك كتير
اللي بيدخل ملتقى الشفاء صعب كتير يبعد عنه بالآخر الكل بيرجع
لانه اللي بيجمع الناس بهالمكان هو اخوة في الله وحب لدين الاسلام
ومن هيك كل الخلافات اللي بتصير بين الاخوة في البيت الواحد حتزول ان شاء الله
ربنا يصلح الاحوال ومرة تانية شكرا للجميع عالمرور والكلمات الطيبة